ডিজিটেল ডেস্কঃ অষ্ট্ৰেলিয়াৰ বিৰুদ্ধে প্ৰথমখন টি-২০ মেচত তেওঁ ৰান খেদি দলটোক জয় কৰোৱাইছিল। দেওবাৰে দ্বিতীয়খন মেচত প্ৰথম বেটিং কৰি দলটোক সন্মানজনক স্ক’ৰলৈ আগবঢ়াই লৈ যায়। শেষত বেটিং কৰিবলৈ নামি প্ৰায় প্ৰতিখন মেচতে অৰিহণা যোগোৱাৰ বাবে বিখ্যাত হৈ পৰিছে ৰিংকু। খেলখনৰ শেষত প্ৰশংসা লাভ কৰে ৰবি শাস্ত্ৰী আৰু সঞ্জয় মঞ্জৰেকাৰৰ পৰাও। কিন্তু কি ৰহস্য আছে ৰিংকুৰ বেটিঙত?
মেচখনৰ শেষলৈকে কেনেকৈ নিজৰ মনটো শীতল কৰি ৰাখিলে বুলি সোধাত ৰিংকুৱে উত্তৰ দিলে, “মই এই পজিচনত বেটিং কৰো। বহুদিনৰ পৰা এই কাম কৰি আহিছো। গতিকে মাথাটো শীতল কৰি ৰখাটো এটা অভ্যাসত পৰিণত হৈছে। এতিয়া আৰু সমস্যা নহয়।”
সাধাৰণতে ডেথ অভাৰত বলাৰসকলে বিভিন্ন পৰীক্ষা-নিৰীক্ষা কৰে। তেওঁলোকৰ বিৰুদ্ধে ৰান কৰিবলৈ অসুবিধা নাপায় নেকি ৰিংকুৱে? ৰিংকুৰ উত্তৰ, “মই খেলপথাৰত বল ক’ত পৰিছে সেইটো বুজি পোৱাৰ পিছতহে শ্বট খেলো। শ্ল’ বল নে ফাষ্ট বল চাই খেলো।’’
আয়াৰলেণ্ড শৃংখলা, এছিয়ান গেমছৰ পিছত অষ্ট্ৰেলিয়া শৃংখলা। সূৰ্যকুমাৰ যাদৱৰ অধীনত খেলি কেনে অনুভৱ হৈছে? ৰিংকুৱে উত্তৰ দিয়ে, “মই সকলোৰে সংগ উপভোগ কৰি আছো। তেওঁলোকৰ লগত থাকিবলৈ পাই বৰ ভাল লাগিছে"
ৰিংকুৱে কয় যে দলটোত তেওঁৰ ভূমিকাও স্পষ্টকৈ উল্লেখ কৰা হৈছে। তেওঁৰ ভাষাত, “মোৰ কাম শেষত। খুব বেছি ৫-৬ অভাৰ পাওঁ। কেতিয়াবা ২ অভাৰো পাব পাৰে। সেইটো ব্যৱহাৰ কৰা উচিত।"
ইয়াৰ বাবে তেওঁ কেনেদৰে প্ৰস্তুতি চলায় সেই বিষয়ে বুজাই দি ৰিংকুৱে কয়, ‘বিশেষভাৱে অনুশীলন কৰো। মনত ৰাখো যে মই শেষৰ পাঁচজন বেটছমেনৰ ভিতৰত এজন। ভিভিএছ (লক্ষ্মণ) ছাৰেও মোক প্ৰেকটিছৰ সময়ত সেই কথা কৈছিল।"
Continue Reading
