ডিজিটেল ডেস্ক: কংগ্ৰেছ নেতা ৰাহুল গান্ধীৰ আশ্ৰয় হ’ব মাতৃ ছোনিয়া গান্ধীৰ আৱাস। সাংসদ পদ খাৰিজ হোৱাৰ পাছত ৰাহুল গান্ধীক তেওঁৰ টোঘলক লেনৰ ১২নং বাংলো খালী কৰাৰ জাননী প্ৰদান কৰা হৈছিল।
ৰাহুলেও তেওঁৰ সাংসদ বাংলো খালী কৰি দিব বুলি প্ৰতিশ্ৰতি প্ৰদান কৰিছিল। এই প্ৰতিশ্ৰুতি অনুসৰিয়েই এতিয়া ৰাহুল গান্ধীয়ে ১০ জনপথত থকা তেওঁৰ মাতৃ ছোনিয়া গান্ধীৰ বাসগৃহলৈ স্থানান্তৰিত হোৱাৰ প্ৰক্ৰিয়া আৰম্ভ কৰিছে।
ইতিমধ্যে ৰাহুলৰ ঘৰৰ আচবাব-পত্ৰ মাতৃ ছোনিয়াৰ আৱাসলৈ লৈ যোৱা হৈছে। ছোনিয়া গান্ধীৰ আৱাসত ৰাহুলৰ বাবে কাৰ্যালয়ৰ ব্যৱস্থাও কৰি থকা হৈছে। উল্লেখ্য যে ৰাহুল গান্ধীয়ে এনেদৰে নিজৰ আৱাস খালী কৰি তেওঁৰ নিজৰ পক্ষত ব্যাপক জন-সহানুভূতিৰ সৃষ্টি কৰিছে।
কেইবাগৰাকী কংগ্ৰেছ নেতাই আনকি তেওঁলোকৰ আৱাস আগবঢ়াই দিছে ৰাহুলৰ বাবে। আনকি সাধাৰণ কংগ্ৰেছ কৰ্মীয়েও তেওঁলোকৰ মৰমৰ নেতাগৰাকীলৈ বাবে নিজৰ আৱাস আগবঢ়াই দিছে। কিন্তু কংগ্ৰেছ নেতাগৰাকীয়ে শেষত নিজৰ মাতৃৰ লগতে থকাৰ সিদ্ধান্ত গ্ৰহণ কৰে। সম্প্ৰতি ছোনিয়া গান্ধীৰ শৰীৰো যথেষ্ট উন্নত নহয়। মাতৃৰ লগত থাকি তেওঁৰ যত্ন লোৱাৰ কথাও ভাবিছে ৰাহুলে।
Continue Reading
