ডিজিটেল ডেস্কঃ মদৰ নিচাত কুকুৰৰ পোৱালীৰ কাণ আৰু নেগুৰ কাটি খালে মদপীয়ে। উত্তৰ প্ৰদেশৰ বেৰেইলীৰ ফৰিদপুৰ আৰক্ষী থানাৰ অন্তৰ্গত নাই বস্তি এছদিএম কলনিত সংঘটিত হৈছে এই ঘটনা।
জানিব পৰা মতে, মদপীকেইজনে দুটাকৈ কুকুৰ পোৱালীৰ কাণ আৰু নেগুৰ কাটি পেলায়। তাৰপাছত নিমখ সানি ভক্ষণ কৰে।
তাৰপাছতে কিছু লোকে আৰক্ষী আৰু জন্তু সুৰক্ষা বাহিনীক কথাটো অৱগত কৰে। কুকুৰ পোৱালী দুটাক চিকিৎসাৰ বাবে লৈ যোৱা হয়।
আনহাতে, মদপীকেইজনৰ বিৰুদ্ধে থানাত ৰুজু কৰা হয় গোচৰ। এনিমেল ক্ৰুৱেলিটি এক্টৰ অধীনত এই গোচৰটো ৰুজু কৰা হৈছে।
অভিযুক্ত মদপীকেইজনৰ ভিতৰত অন্যতম হৈছে ফৰিদপুৰ নিবাসী মুকেশ বাল্মিকী। মুকেশে লগৰীয়াৰ স’তে মঙলবাৰে ৰাতি এই কাণ্ড সংঘটিত কৰিছিল।
ঘটনাটোৰ সংক্ৰান্তত জীৱ জন্তুপ্ৰেমীসকলৰ মাজত ব্যাপক প্ৰতিক্ৰিয়াৰ সৃষ্টি কৰিছে। তেওঁলোকে আৰক্ষীক যথোচিত ব্যৱস্থা ল’বলৈ দাবী জনাইছে।
Continue Reading
