মদ-ভাং-ড্ৰাগছ একোতে নাই আসক্তি, লোকজনৰ নিচা বেলেগতহে! কি আসক্তি দূৰ কৰিবলৈ বাংগালুৰুৰ এজন লোকে নিচামুক্তি কেন্দ্ৰলৈ গ’ল?

লোকজনে বাংগালুৰুৰ নেচনেল ইনষ্টিটিউট অৱ মেন্টাল হেল্থ এণ্ড নিউৰোচাইন্সৰ (এনআইএমএইচএএনএছ) আসক্তি মুক্তি ক্লিনিকলৈ গৈ শ্বেয়াৰ বজাৰত হকে-বিহকে বিনিয়োগ কৰাৰ যি নিচা সেয়া দূৰ কৰিবলৈ পৰামৰ্শ বিচাৰিছে৷। চাৰ্ভিচ ফৰ হেল্দি ইউজ অফ টেকন'লজী (শ্বট) ক্লিনিকত  তেওঁ কৈছে যে শেহতীয়াকৈ তেওঁ শ্বেয়াৰ ব্যৱসায়ত ৩০ লাখ টকাৰো অধিক ধনৰ লোকচান ভৰিছে৷

 এনেদৰে থাকিলে তেওঁ এদিন দেউলীয়া হৈ পৰিব৷ এনে পৰিস্থিতিত মানুহজনৰ পৰিয়ালে তেওঁক ইয়াৰ বাবে থেৰাপী ল'বলৈ কৈছিল। শ্বাট ক্লিনিকৰ অধ্যাপক ডাঃ মনোজ কুমাৰ শৰ্মাই  কয় " জুৱা বা গেমিং আসক্তিৰ দৰে আন ঘটনাৰ ক্ষেত্ৰতো  আমি ৰোগীৰ সমস্যাটো বিতংভাৱে বুজি ৰোগীৰ তেনে সমস্যা সমাধানৰ বাবে এক নতুন পদক্ষেপ ল'ব লগা হয়ষ কিন্তু শ্বেয়াৰ বজাৰৰ নিচা  আমাৰ মনোবিজ্ঞানীসকলৰ বাবে  প্ৰথম ঘটনা " । 

ইতিমধ্যে বৃহৎ লোকচানৰ সন্মুখীন হোৱা লোকজনে তেওঁৰ জীৱনৰ সকলো সঞ্চয় শ্বেয়াৰ বজাৰত বিনিয়োগ কৰি সৰ্বস্বান্ত হৈছে৷ পিছত তেওঁ শ্বেয়াৰ বজাৰত বিনিয়োগ কৰিবলৈ আনৰ পৰা টকা ধাৰে ল’বলৈ  লৈছিল। এনে ঘটনাই তেওঁৰ পাৰিবাৰিক জীৱনত বেয়াকৈ প্ৰভাৱ পেলাইছে আৰু তেওঁ চিকিৎসকৰ কাষলৈ যাবলৈ বাধ্য হৈছে। লোকজনৰ সমস্যাটো সন্দৰ্ভত এজন জ্যেষ্ঠ মনোবিজ্ঞানীয়ে কয়" ষ্টক ট্ৰেডিং আৱেগৰ চিকিৎসা আমাৰ বাবে প্ৰত্যাহ্বানজনক৷  কিয়নো এইক্ষেত্ৰত   পুংখানুপুংখ পৰীক্ষাৰ তথা নিৰীক্ষণৰ প্ৰয়োজন, কিয়নো এইক্ষেত্ৰত ৰোগীৰ ঔষধৰ প্ৰয়োজন হোৱাকৈ কোনো আৱেগিক সমস্যা নাথাকে। এই ক্ষেত্ৰত দুটা গুৰুত্বপূৰ্ণ প্ৰশ্ন উত্থাপিত হয় - ব্যক্তিজনক ব্যৱসায়ৰ পৰা সম্পূৰ্ণ বিৰত থকাৰ প্ৰয়োজন নে নিয়ন্ত্ৰিত ভাৱে ইয়াত লিপ্ত হোৱা উচিত"৷