ডিজিটেল ডেস্কঃ এক শক্তিশালী বিস্ফোৰণত কঁপি উঠিল মধ্যপ্ৰদেশৰ বৈইৰাগড়।ৰাজ্য খনৰ এটা অবৈধ আতচবাজী কাৰখানাত সংঘটিত ধাৰাবাহিক বিস্ফোৰণত নিহত হৈছে কেইবাজনো লোক।এতিয়ালৈকে ছটা মৃতদেহ উদ্ধাৰ কৰিব পৰা গৈছে। ঘটনাটোত আন ৩০ জন লোক আহত হৈছে ।
অৱশ্যে মৃত্যুৰ সংখ্যা আৰু বৃদ্ধি পোৱাৰ আশংকা আছে। মঙলবাৰে সংঘটিত বিস্ফোৰণৰ পিছতে কমেও ৬০ টা ঘৰ সম্পূৰ্ণৰূপে জ্বলাই যায়। যুদ্ধকালীন তৎপৰতাৰে কাৰখানাটোৰ কাষত থকা কমেও ১০০ টা ঘৰ খালী কৰা হৈছে।বিজেপি শাসিত মধ্য প্ৰদেশৰ হাৰদা জিলাৰ বৈইৰাগড় অঞ্চলত বহু কেইটা অবৈধ আতচবাজী কাৰখানা থকাৰ অভিযোগ উঠি আহিছে। স্থানীয় সূত্ৰই প্ৰকাশ কৰা অনুসৰি কমেও ১০০ জন শ্ৰমিকে বিস্ফোৰণৰ সময়ত কাৰখানাটোত কাম কৰি আছিল।
তেওঁলোকৰ কমেও ছয়জনৰ দগ্ধ মৃতদেহ উদ্ধাৰ কৰা হৈছে। আন ৩০ জন লোকক সংকটজনক অৱস্থাত উদ্ধাৰ কৰা হৈছে। বিস্ফোৰণৰ ফলত কাৰখানাৰ ওচৰৰে কমেও ৫০-৬০ জন লোক আহত হৈছে। বিস্ফোৰণৰ ফলত কাৰখানাটোৰ কাষতে থকা শ শ বাইক আৰু স্কুটাৰ জ্বলি ছাই হৈ গৈছে।
Continue Reading
