ডিজিটেল ডেস্কঃ নিৰ্বাচনৰ পূৰ্বে মধ্যপ্ৰদেশত কংগ্ৰেছে পুনৰ বিজেপিত আঘাত হানিছে। ৰাজ্যখনৰ আগশাৰীৰ বিজেপি নেতা বৈজনাথ সিঙে কংগ্ৰেছলৈ উভতি আহিছে। ‘ঘৰলৈ ওভোতা’ অনুষ্ঠানত অংশগ্ৰহণ কৰিবলৈ বৈজনাথে ৪০০ বাহনৰ কনভয় লৈ ছাইৰেন বজাই আহে। শিৱপুৰীৰ পৰা ভূপাললৈকে বৈজনাথ সিঙে ৩০০ কিলোমিটাৰ পথ উজাই আহি কংগ্ৰেছত যোগদান কৰে।
উল্লেখ্য যে ২০২১ চনত জ্যোতিৰাদত্য সিন্ধেৰ সৈতে বিজেপিত যোগদান কৰিছিল শিবপুৰী সমষ্টিৰ নেতাগৰাকীয়ে। তাৰ পিছতে ৰাজ্যখনত কমলনাথ চৰকাৰৰ পতন ঘটে। বিজেপিৰ শিৱৰাজ সিং চৌহান পুনৰ ক্ষমতালৈ আহে। এইবাৰ পুনৰ 'ঘৰলৈ ওভটি’ আহে তেওঁ।
সূত্ৰসমূহৰ মতে, এই বছৰ আগন্তুক বিধানসভা নিৰ্বাচনত তেওঁ বিজেপিৰ প্ৰাৰ্থী হ’বলৈ তৎপৰ হৈ পৰিছিল। কিন্তু বিজেপিৰ টিকট নাপাব বুলি নিশ্চিত হৈয়ে বৈজনাথে পুনৰ কংগ্ৰেছলৈ উভতি যাবলৈ উদ্যোগ আৰম্ভ কৰে।
বৃহস্পতিবাৰে পুৱা বৈজনাথে ৪০০ খন গাড়ীৰ কনভয় লৈ ভূপালৰ কংগ্ৰেছৰ কাৰ্যালয়লৈ আহে। তেওঁক কংগ্ৰেছৰ পতাকাখন হাতত তুলি দিয়ে প্ৰদেশ কংগ্ৰেছৰ সভাপতি কমল নাথে। কংগ্ৰেছৰ আন এজন জ্যেষ্ঠ নেতা দিগ্বীজয় সিং তেওঁৰ কাষত থিয় হৈ আছিল।
ৰাজ্যিক কংগ্ৰেছে দাবী কৰিছে যে কেৱল বৈজনাথেই নহয়, তেওঁৰ শতাধিক ‘বন্ধু’ৱেও কংগ্ৰেছত যোগদান কৰি আৰু বিজেপিৰ জংঘলৰাজ শেষ কৰাৰ পণ লৈছে। কংগ্ৰেছৰ সূত্ৰই জানিব দিয়া মতে, জিলাখনৰ পোন্ধৰজনতকৈও অধিক নেতাই বৈজনাথৰ সৈতে দলটোত যোগদান কৰিছে।
Continue Reading
