এই সময়ত এছ এছ ৰাজামৌলি আৰু তেওঁৰ ছবি ‘আৰআৰআৰে’ সমগ্ৰ বিশ্বতে অভিলেখ গঢ়িবলৈ সক্ষম হৈছে। ছবিখনে মুক্তিৰ সময়ত উপাৰ্জনৰ অভিলেখ গঢ়িবলৈ সক্ষম হোৱাই নহয়, আন্তঃৰাষ্ট্ৰীয় বঁটা লাভ কৰিও আধিপত্য বিস্তাৰ কৰিছে। শেহতীয়াকৈ ‘আৰআৰআৰ’য়ে ‘নাতু নাটু’ গীতটোৰ বাবে গোল

Listen to Article

2 min read

80%

ডিজিটেল ডেস্ক: এই সময়ত এছ এছ ৰাজামৌলি আৰু তেওঁৰ ছবি ‘আৰআৰআৰে’ সমগ্ৰ বিশ্বতে অভিলেখ গঢ়িবলৈ সক্ষম হৈছে। ছবিখনে মুক্তিৰ সময়ত উপাৰ্জনৰ অভিলেখ গঢ়িবলৈ সক্ষম হোৱাই নহয়, আন্তঃৰাষ্ট্ৰীয় বঁটা লাভ কৰিও আধিপত্য বিস্তাৰ কৰিছে। শেহতীয়াকৈ ‘আৰআৰআৰ’য়ে ‘নাতু নাটু’ গীতটোৰ বাবে গোল্ডেন গ্ল’ব বঁটা লাভ কৰাৰ লগতে এতিয়া ই অস্কাৰৰ দৌৰত নামি পৰিছে। ৰাজামৌলীৰ এই জয়ত সুখী পৰিচালক ৰাম গোপাল বাৰ্মা। তেওঁ ৰাজামৌলীক প্ৰশংসা কৰিছিল যদিও ধেমালিতে তেওঁক ‘মৃত্যুৰ ভাবুকি’ দিছিল। ৰামগোপাল বাৰ্মাই দাবী কৰে যে তেওঁ এদল চিনেমা প্ৰযোজকৰ অংশ যিয়ে হতাশাৰ বাবে ৰাজমৌলীক হত্যা কৰাৰ সিদ্ধান্ত লয়।

ৰাম গোপাল বাৰ্মাৰ এই টুইটে ছচিয়েল মিডিয়াত উত্তাল কৰি তুলিছে। ৰাম গোপাল বৰ্মাইও কয় যে তেওঁ মদ্যপান কৰি এই টুইটটো কৰিছে। ৰাম গোপাল বাৰ্মাৰ এই কাৰ্যত ৰাইজ আচৰিত। শেহতীয়াকৈ আৰআৰআৰ ছবিৰ টুইটাৰ হেণ্ডেলত এটা ভিডিঅ’ শ্বেয়াৰ কৰা দেখা গৈছে, য’ত হলিউডৰ পৰিচালক জেমছ কেমেৰনে এছ এছ ৰাজামৌলীক ইয়াত যেতিয়াই ছবি নিৰ্মাণ কৰিব বিচাৰে তেতিয়াই তেওঁক জনাবলৈ কোৱা দেখা গৈছে। ৰাম গোপাল বাৰ্মাই নিজৰ টুইটাৰ হেণ্ডেলত এই ভিডিঅ’টো শ্বেয়াৰ কৰি ৰাজমৌলিক প্ৰশংসা কৰে।

ৰামগোপাল বৰ্মাই কয় যে দাদাচাহেব ফাল্কেৰ পৰা এতিয়ালৈকে ভাৰতীয় চিনেমাৰ ইতিহাসত কোনেও ভবা নাছিল যে কোনো ভাৰতীয় পৰিচালক কেতিয়াও এই মুহূৰ্তৰ সাক্ষী হ’ব। আনকি এছ এছ ৰাজামৌলীয়েও এই কথা ভবা নাছিল।

কিন্তু ইয়াৰ পাছতে ৰাম গোপাল বৰ্মাই এটা চাঞ্চল্যকৰ টুইট কৰিলে। ৰামগোপাল বৰ্মাই কয় যে তেওঁ ভাৰতীয় চলচ্চিত্ৰ নিৰ্মাতাৰ এটা দলৰ অংশ যিয়ে ৰাজামৌলিৰ বিৰুদ্ধে এটা গোট গঠন কৰি তেওঁক হত্যা কৰিব বিচাৰিছে। ৰামগোপাল বৰ্মাৰ মতে, মদ্যপানৰ অৱস্থাত তেওঁ এই গোপন কথা কৈছে। তেওঁ টুইট কৰি কয়, ‘এছএছ ৰাজমৌলি ছাৰে অনুগ্ৰহ কৰি আপোনাৰ নিৰাপত্তা বৃদ্ধি কৰক কাৰণ ভাৰতত এনেকুৱা এটা চলচ্চিত্ৰ নিৰ্মাতাৰ দল আছে যিয়ে বিৰক্তি আৰু ঈৰ্ষাত আপোনাৰ বিৰুদ্ধে এটা গোট গঠন কৰি আপোনাক হত্যা কৰিব বিচাৰিছে। মইও এই গোটৰ অংশ।

ৰামগোপাল বাৰ্মাই হয়তো ধেমালিতে আৰু মদ্যপান কৰি এই টুইটটো কৰিছে, কিন্তু অনুৰাগীৰ মাজত যথেষ্ট আলোড়নৰ সৃষ্টি কৰিছে। এতিয়া ৰাম গোপাল বৰ্মাৰ এই টুইটত এছ এছ ৰাজামৌলিয়ে কেনে প্ৰতিক্ৰিয়া প্ৰকাশ কৰিব সেয়া চাবলৈ আগ্ৰহী হ’ব।

ইফালে'আৰআৰআৰ'ৰ অস্কাৰ মনোনয়নৰ কথা কবলৈ গলে ইয়াৰ গীত 'নাতু নাটু' অস্কাৰৰ শ্ৰেষ্ঠ মৌলিক গীতৰ শাখাৰ বাবে চৰ্টলিষ্ট হৈছিল। ২৪ জানুৱাৰীত ঘোষণা কৰা হ’ব অস্কাৰৰ মনোনয়ন। ২০২২ চনত ২৪ মাৰ্চত মুকলি কৰা হৈছিল আৰআৰআৰ। ৰাম চৰণ আৰু জুনিয়ৰ এন টি আৰ অভিনীত ছবিখনে বক্স অফিচত ১২০০ কোটিৰো অধিক উপাৰ্জন কৰে।