ডিজিটেল ডেস্কঃ ক্ৰিষ্টিয়ানো ৰোনাল্দোৰ পিছত এইবাৰ লিয়োনেল মেছিৰো পৰৱৰ্তী গন্তব্য স্থান হ’ব নেকি চৌদি আৰৱ? ইংলেণ্ড আৰু স্পেইনৰ কেইবাটাও সংবাদ মাধ্যমৰ প্ৰতিবেদনত এনে ধৰণৰ এটা অনুমানৰ সৃষ্টি হৈছে। ৰোণাল্ডোৰ দল আল-নাছেৰৰ মুখ্য প্ৰতিদ্বন্দী আল হিলালে মেছিক ল'বলৈ আগ্ৰহ দেখুৱাইছে। আনকি তেওঁলোকে ৰোনাল্ডোতকৈ বহুত বেছি ধনেৰে মেছিক স্বাক্ষৰ কৰিব বিচাৰে। মেছিৰ দেউতাক জৰ্গেই ইতিমধ্যে এই বিষয়ত মীমাংসা কৰিবলৈ ৰিয়াধত উপস্থিত হৈছে।
মেছিয়ে এতিয়া পেৰিছ ছেইণ্ট জাৰ্মেইনত খেলে। পেৰিছ ক্লাবৰ সৈতে তেওঁৰ চুক্তি ছয় মাহৰ পিছত সমাপ্ত হয়। পিএছজিয়ে অৱশ্যে বাৰে বাৰে কৈছে যে মেছিয়ে তেওঁলোকৰ সৈতে তেওঁৰ চুক্তি সম্প্ৰসাৰিত কৰিব। কিন্তু মেছিও এটা বিকল্প উপায় বিচাৰিবলৈও আগ্ৰহী। সেইকাৰণে তেওঁ তেওঁৰ দেউতাকক আলোচনাৰ বাবে চৌদি আৰৱলৈ পঠিয়াইছে। চৌদিৰ এখন বাতৰি কাকতেও বাতৰিটো নিশ্চিত কৰিছে।
স্পেইনৰ এক সংবাদ মাধ্যমৰ প্ৰতিবেদন অনুসৰি, আল হিলালে মেছিক বছৰি ২৪৩৮ কোটি টকা দিব। দৰাচলতে, ৰোনাল্ডোৱে আল নাছেৰৰ পৰা বছৰি ১৭৪১ কোটি টকা লাভ কৰিব। অৰ্থাৎ প্ৰায় ৭০০ কোটি অধিক। মেছি নিজেও এই প্ৰস্তাৱটোত আগ্ৰহী বুলি সংবাদপত্ৰত প্ৰকাশ।
যদি মেছি চৌদি আৰৱলৈ যায়, তেন্তে বিশ্বই আকৌ এবাৰ মেছি-ৰোনাল্ডোৰ দ্বৈত যুদ্ধ দেখিব। স্পেইনৰ ৰিয়েল মাদ্ৰিদ আৰু বাৰ্চিলোনাত খেলি থাকোতে দুয়োজন তাৰকা প্ৰায়ে ইজনে সিজনৰ মুখামুখি হৈছিল। ৰোনাল্ডোৱে স্পেইন এৰি যোৱাৰ পিছত, তেওঁলোকে চেম্পিয়নছ লীগত ইজনে সিজনৰ মুখামুখি হৈছিল
Continue Reading
