ডিজিটেল ডেস্কঃ ইডেনত শ্ৰীলংকাক পৰাস্ত কৰি শৃংখলা জয়ৰ আনন্দত যেন উটি-ভাঁহি গ’ল ভাৰতীয় দল।খেলখনত অনুষ্ঠিত হোৱা লেজাৰ প্ৰদৰ্শনীৰ সময়তে সেয়ে যেন উচ্ছাসক নিয়ন্ত্ৰণত ৰাখিব নোৱাৰিলে বিৰাট, ঈশানে। শ্ৰীলংকাৰ ইনিংছৰ শেষত বিৰাট কোহলী আৰু ঈশান কিষাণে কৰা উদ্দাম নৃত্যৰ ভিডিঅ’ এতিয়া ভাইৰেল হৈ পৰিছে ।
বিৰাটক ইডেনত ফিল্ডিং কৰোঁতেও নৃত্য কৰা দেখা গৈছিল। ভাৰতে মেচখন ৪ উইকেটত জিকিছে। তাৰ পিছতে সমগ্ৰ ইডেনত পোহৰৰ খেল চলিছিল। গানৰ সুৰ আৰু পোহৰৰ খেলত বিৰাটো দৰ্শকৰ দৰেই হৈ পৰিছিল। বিৰাটৰ নৃত্যৰ এটা ভিডিঅ' ইণ্টাৰনেটত ভাইৰেল হৈ পৰিছে। ভিডিঅ'টোত বিৰাট আৰু ঈশানক ইডেনত মায়াময় পোহৰৰমাজত নাচি থকা দেখা গৈছে। এই নৃত্যৰ অলপ আগতে ভাৰতে শ্ৰীলংকাৰ বিৰুদ্ধে জয়লাভ কৰিছিল।
ইডেনত প্ৰথমে বেটিং কৰি ভাৰতে ২১৫ ৰাণ সংগ্ৰহ কৰিছিল। কুলদীপ যাদৱ আৰু মহম্মদ চিৰাজে তিনিটাকৈ উইকেট দখল কৰিছিল। উমৰণ মালিকে দুটা উইকেট দখল কৰিছিল। অক্ষৰ পেটেলে এটা উইকেট লৈছিল।
Continue Reading
