ডিজিটেল ডেস্কঃ বিয়াৰ আগে আগে মেক-আপ কৰিবলৈ মেক আপ আৰ্টিষ্টৰ ওচৰলৈ গ’ল কইনা। কিন্তু মেক আপ আৰ্টিষ্টে দিয়া প্ৰসাধন সামগ্ৰী মুখত লগোৱাৰ পাছতে দুৰ্যোগ হয়। কইনাৰ মুখখন ফুলি উঠিল। বিয়া ভাঙিল। কইনাও স্থানীয় চিকিৎসালয়ত চিকিৎসাধীন হৈ আছে।
কৰ্ণাটকৰ হাছান জিলাৰ আৰাচিকেৰে গাঁৱৰ ঘটনা। কইনাৰ মুখখন ফুলি ক’লা হৈ পৰা দেখি দৰাজনে তাইক বিয়া কৰাবলৈ অস্বীকাৰ কৰিলে। কইনাৰ পৰিয়ালৰ হৈ মেক আপ আর্টিষ্টৰ বিৰুদ্ধে আৰক্ষীক এজাহাৰ দাখিল কৰা হৈছে।
গংগা নামৰ মেক-আপ আৰ্টিষ্টজনে কইনাক অভিনৱ ৰূপেৰে সজোৱাৰ প্ৰতিশ্ৰুতি দিয়াৰ অভিযোগ উত্থাপন কৰা হৈছে। কইনাৰ মুখ সজাবলৈ গৈ তাইৰ মুখত প্ৰসাধন সামগ্ৰী প্ৰয়োগ কৰি গৰম ভাপ দিবলৈ আৰম্ভ কৰে। গৰম ভাপৰ বাবে মুখখন জ্বলি যোৱাৰ অভিযোগ কৰিছে কইনাই।
আৰক্ষীৰ সূত্ৰ অনুসৰি, মহিলাগৰাকীৰ পৰিয়ালে গংগাৰ বিৰুদ্ধে থানাত এজাহাৰ দাখিল কৰাৰ পিছত আৰক্ষীয়ে তেওঁক ফোন কৰি জেৰা কৰে।
Continue Reading
