ডিজিটেল ডেস্কঃ বোৱাৰীয়েকৰ স’তে বিবাহ বহিৰ্ভূত সম্পৰ্কত সোমাই পৰিল শহুৰেক। পুত্ৰৰ বাইকত বোৱাৰীক বহুৱাই পলাইও গ'ল। ন্যায় বিচাৰি আৰক্ষীৰ কাষ চাপিল অসহায় পুত্ৰ।
ৰাজস্থানৰ বুণ্ডী জিলাৰ চিলোৰ গাঁৱত সংঘটিত হৈছে এই ঘটনা। তাৰ বাসিন্দা পৱন বৈৰাগী। তেওঁ পিতৃ ৰমেশ বৈৰাগীৰ বিৰুদ্ধে আৰক্ষীৰ এজাহাৰ দাখিল কৰে।
অভিযোগ অনুসৰি, পৱনৰ পত্নীৰ সৈতে শহুৰেক ৰমেশ পলাই গৈছিল। অভিযোগকাৰীয়ে দাবী কৰে যে শহুৱেক ৰমেশেই বোৱাৰীয়েকক নিজৰ লগত পলায়ন কৰিবলৈ উচটনি দিছিল। আনকি পলায়ন কৰাৰ সময়ত পিতৃয়ে পুত্ৰৰ বাইকখনো চুৰি কৰি লৈ যায় বুলি অভিযোগ উত্থাপন হৈছে।
পৱনে দাবী কৰে যে তেওঁৰ পত্নীৰ স’তে পিতৃয়ে বিবাহ বহিৰ্ভূত সম্পৰ্ক ৰাখিছিল। পত্নীক পিতৃয়ে তেওঁৰ বিৰুদ্ধে উচটনি দিয়ে। ঘৰৰ পৰা পলাই যাবলৈ উচটনি দিয়ে। ইয়াৰ পিছতে পৱনৰ বাইকখন লৈ দুয়োজন পলায়ন কৰে।
পৱনৰ ৬ মহীয়া সন্তান আছে। কামৰ কাৰণে পৱন গাঁৱৰ বাহিৰত থাকিব লগা হয়। লগতে পৱনে আৰক্ষীক জনোৱা মতে, মাতৃয়ে ককাকৰ স’তে পলাই যোৱাৰ বাবে শিশুটিৰ যত্ন লোৱাত সমস্যা হৈছে।
আৰক্ষীৰ ওচৰত পৱনৰ মূল অভিযোগ পিতৃৰ বিৰুদ্ধে। তেওঁৰ পত্নী নিৰ্দোষী বুলি দাবী কৰে। বৰঞ্চ পত্নীয়ে তেওঁৰ অভিযোগ, পিতৃৰ প্ৰৰোচনা আৰু প্ৰলোভনৰ জালত ভৰি দিছে বুলি কয়। ইয়াৰ পূৰ্বেও পিতৃগৰাকী কেইবাটাও অবৈধ লেনদেনত জড়িত আছিল বুলি অভিযোগ পৱনে।
এই সন্দৰ্ভত স্থানীয় আৰক্ষীয়ে কয় যে সমগ্ৰ ঘটনাটো যথাযথ গুৰুত্বসহকাৰে বিবেচনা কৰা হৈছে। আৰক্ষীয়ে তদন্ত আৰম্ভ কৰিছে। লগতে পৱনক আশ্বাস দিয়া হৈছে যে বাইকখনৰ সৈতে পলায়ন কৰা দম্পতীক শীঘ্ৰে সন্ধান উলিওৱা হ’ব। অৱশ্যে এই পৰ্যন্ত তেওঁলোকৰ কোনো লেখ-জোখ পোৱা নাই।
Continue Reading
