ডিজিটেল ডেস্কঃ মেক্সিকোৰ চাটুমাল উপসাগৰত আৱিষ্কাৰ হৈছে পৃথিৱীৰ দ্বিতীয় গভীৰতম নীলা জলগহ্বৰটো ।এই জলগ্হাৰটো প্ৰায় ৯০০ ফুট গভীৰ। ই প্ৰায় ১৪৭,০০০ বৰ্গফুট এলেকা আৱৰি আছে। মেক্সিকোৰ য়াকাটান উপদ্বীপৰ কাষৰ উপসাগৰত আৱিষ্কাৰ হোৱা এই জল গহ্বৰটোৰ পানী নীলা ৰঙৰ।
দৰাচলতে,এই গহ্বৰৰ গভীৰতা বেছি বাবেই ইয়াৰ পানী নীলা দেখি। সূৰ্যৰ পোহৰ এই গহ্বৰৰ তলিত গৈ উপনীত হ'ব নোৱাৰে।এইকাৰণেই গহ্বৰটোৰ গভীৰত অন্ধকাৰে বিৰাজ কৰি আছে। এনে কাৰণতে এই অংশত জমা হোৱা পানী বাকী অংশতকৈ অধিক গাঢ়, ডাঠ নীলা দেখায়। মেক্সিকোৰ 'ব্লু হোল' নামেৰে পৰিচিত এই জল গহ্বৰটো ২০২১ চনতে আৱিষ্কাৰ হৈছিল। শেহতীয়াকৈ ইয়াৰ বিষয়ে বৈজ্ঞানিক আলোচনী ফ্ৰণ্টিয়াৰ্ছ ইন মেৰিন চায়েন্সত প্ৰকাশ পোৱাৰ পিছতে ই বিশ্ব বিখ্যাত হৈ পৰে।
ডিছক’ভাৰী ডট কমৰ মতে 'ব্লু হোল' হৈছে মাজত থকা চূণ শিলৰ গুহাৰ কিছু অংশ । 'নীলা জল গহ্বৰ'ৰ তলত এক সম্পূৰ্ণ, অজ্ঞাত ৰহস্যময় প্ৰকৃতি আছে বুলি বিজ্ঞানীসকলে কৈছে। আমেৰিকা যুক্তৰাষ্ট্ৰৰ ভূতাত্ত্বিক বিজ্ঞানী ক্ৰিষ্টোফাৰ জি স্মিথৰ মতে মানুহে নীলা গহ্বৰৰ বিষয়ে খুব কম জানে। ইয়াৰ কাৰণ হৈছে ইয়াকলৈ খুব কম আলোচনা হৈছে। এই জল গহ্বৰৰ আন নাম হৈছে 'তাম জা', যাৰ অৰ্থ হৈছে 'গভীৰ পানী'। মেক্সিকোত আৱিষ্কাৰ হোৱা নীলা জল গহ্বৰটো পৃথিৱীৰ দ্বিতীয় গভীৰতম জল গহ্বৰ। প্ৰথমটো হৈছে দক্ষিণ চীন সাগৰৰ ড্ৰেগন হোল। ইয়াৰ গভীৰতা প্ৰায় ৯৮০ মিটাৰ।
Continue Reading
