ৱমেন প্ৰিমিয়াৰ লীগত অসমৰ নাম উজলালে মঙলদৈৰ জিণ্টিমণি কলিতাই, খেলিব মুম্বাই ইণ্ডিয়ানছৰ হৈ

সুদক্ষ বলাৰ হিচাবে জনাজাত  জিণ্টিমণি কলিতাই মঙলদৈ ষ্টেডিয়ামত নিয়মীয়াকৈ  ক্ৰিকেট অনুশীলন কৰি গৈছিল৷ জিণ্টিমণিয়ে এটা সময়ত  অসম দলত স্থান লাভ কৰিছিল৷  কেৱল সেয়াই নহয়, পিছলৈ তেওঁ  ভাৰতীয় মহিলা  বি টীমত স্থান লাভ কৰে৷ ইপিনে মুম্বাই ইণ্ডিয়ানছ দলে অসম কন্যা  জিণ্টিমণি কলিতাক উষ্ম আদৰণি জনাইছে৷ 

উল্লেখ্য মহিলাৰ আই পি এলৰ বাবে  সোমবাৰে ভাৰতীয় তাৰকাসকলৰ বাবে  মুম্বাইত নিলাম অনুষ্ঠিত হয়৷  নিলামত ৰয়েল চেলেঞ্জাৰ্ছ বাংগালোৰে ভাৰতীয় বেটছমেন স্মৃতি মান্ধানাক ৩ কোটি ৪০  লাখ টকাত ক্ৰয় কৰে। মান্ধানাই নিলামত  সৰ্বাধিক মূল্যৰ তাৰকা হিচাবে পৰিগণিত হয়। হৰমনপ্ৰীত কৌৰক মুম্বাই ইণ্ডিয়ানছে ১.৮ কোটি টকাত ক্ৰয় কৰিছে৷ অলৰাউণ্ডাৰ পূজা ভষ্ট্ৰাকাৰ  দৰ উঠে ১.৯ কোটি টকা।ভাৰতীয় অলৰাউণ্ডাৰ দীপ্তি শৰ্মাক   ইউপি ৱাৰিয়ৰ্ছে ২.৬ কোটি টকাত ক্ৰয় কৰে। 

 ১.৯০  কোটি টকাত উইকেট-ৰক্ষক আৰু বেংগলৰ কন্যা ৰিচা ঘোষ নিলাম হয়।  শ্বেফালী বাৰ্মাক   দিল্লীয়ে তেওঁক ২ কোটি টকাত ক্ৰয় কৰে।উল্লেখ্য এই বছৰ মুঠ ৪৪৮ গৰাকী ক্ৰিকেটাৰ নিলাম তালিকাত আছে।