ডিজিটেল ডেস্কঃ শ্বুটিঙৰ সময়তে মেকআপ ৰূমত আত্মহত্যা কৰা তুনিশা শৰ্মাৰ সম্পৰ্ক আছিল এগৰাকী সহঃ অভিনেতাৰ সৈতে৷ সেই বিষয়ত আৰক্ষী ইতিমধ্যে নিষ্চিত হৈছে৷ আৰক্ষীয়ে ইতিমধ্যে খান উপাধিৰ সহঃ অভিনেতাজনক গ্ৰেপ্তাৰ কৰিছে৷ বহুতে অনুমাণ কৰিছিল যে অভিনেত্ৰীগৰাকী হয়তো মৃত্যুৰ সময়ত গৰ্ভৱতী আছিল। এই বিষয়ে সোধাত ডিচিপিয়ে কৈছিল যে তদন্ত আৰু মৰণোত্তৰ পৰীক্ষাৰ পিছতহে সকলো কথা স্পষ্ট হ’ব৷
২৫ ডিচেম্বৰৰ পুৱতি নিশা মুম্বাইৰ জে জে চিকিৎসালয়ত অভিনেত্ৰীগৰাকীৰ মৃতদেহৰ মৰণোত্তৰ পৰীক্ষাৰ সম্পন্ন কৰা হৈছে৷ মৰণোত্তৰ পৰীক্ষাৰৰ প্ৰতিবেদনত অভিনেত্ৰী তুনিশা শৰ্মা গৰ্ভৱতী আছিল বুলি বহুতে কৰা ধাৰণা ভুল প্ৰমাণিত হৈছে৷ মৰণোত্তৰ পৰীক্ষাৰ প্ৰতিবেদনত কোৱা হৈছে অভিনেত্ৰীগৰাকীৰ ফাঁচী লগোৱাৰ পিছত শ্বাসৰুদ্ধ হোৱাৰ ফলত মৃত্যু হৈছে৷
তুনিশা শৰ্মাৰ মৰণোত্তৰ পৰীক্ষাৰ সময়ত মুম্বাইৰ জেজে চিকিৎসালয়ৰ ৪-৫ জনীয়া চিকিৎসকৰ এটা দল উপস্থিত আছিল। অভিনেত্ৰীগৰাকীৰ নশ্বৰ দেহ আজি পৰিয়ালক হস্তান্তৰ কৰাৰ কথা আছিল যদিও সোমবাৰেহে প্ৰয়ালক মৃতদেহ চমজাই দিয়া হ’ব বুলি জানিব পৰা গৈছে৷ অভিনেত্ৰীগৰাকীৰ নশ্বৰ দেহ ২৬ ডিচেম্বৰত সৎকাৰ কৰাৰ সম্ভাৱনা আছে৷
উল্লেখ্য তুনিশাৰ আত্মহত্যাৰ পিছতে আৰক্ষীয়ে তেওঁৰ সহ-অভিনেতা শ্বীজান মহম্মদ খানক ভাৰতীয় দণ্ডবিধিৰ (আইপিচি) ৩০৬ ধাৰাৰ অধীনত গ্ৰেপ্তাৰ কৰা হৈছে। খবৰ অনুসৰি তুনিশাই শ্বীজান খানৰ সৈতে সম্পৰ্ক ছিন্ন কৰিছিল ৷ ইয়াৰ পিছতে আৰম্ভ হৈছিল অভিনেতাজনৰ সৈতে সংঘাত৷ সেই সংঘাতৰ পৰিণতিতে তুনিশাই আত্মহত্যা কৰা বুলি বহুতে সন্দেহ কৰিছে৷ অভিযোগ অনুসৰি শ্বীজান খানে তুনিশাক আত্মহত্যা কৰিবলৈ প্ৰৰোচিত কৰিছিল৷
Continue Reading
