ডিজিটেল ডেস্কঃ মহাদেৱ খ্যাত বিখ্যাত টিভি অভিনেতা মোহিত ৰাইনাই ২০২২ চনৰ ১ জানুৱাৰীত অদিতি শৰ্মাৰ সৈতে বিবাহপাশত আৱদ্ধ হৈছিল। কোনো ঢাক-ঢোল নবজোৱাকৈ অতি গোপনে অদিতিৰ সৈতে বিবাহপাশত আৱদ্ধ হৈছিল মোহিত ৰাইনা। কিন্তু বিয়াৰ ১ বছৰ হ’বলৈ নাপাওঁতেই যেন মোহিত-অদিতিৰ সংসাৰত লাগিল কেৰোণ।
দুয়োৰে মাজত বিবাহ বিচ্ছেদ হ’ব বুলি এক উৰাবাতৰি বিয়পি পৰিল। এই বাতৰিক যেন সঁচা প্ৰমাণিত কৰিলে মোহিতে কৰা এক কামে। অভিনেতাগৰাকীয়ে নিজৰ ইনষ্টাগ্ৰাম হেণ্ডেলৰ পৰা বিয়াৰ সকলো ফটো ডিলিট কৰিছে। ইয়াৰ পৰা বুজিব পাৰি যে দুয়োৰে মাজত কথাবোৰ ঠিকে চলি থকা নাই। এনে উৰাবাতৰিও দীৰ্ঘদিন ধৰি উৰি আছে যে মোহিত আৰু অদিতিৰ ইতিমধ্যে বিচ্ছেদ হৈছে।
মোহিত ৰাইনাই বিয়াৰ সকলো ফটো ডিলিট কৰা পাছত ইউজাৰ্ছসকলে কমেণ্ট ছেকচন নানা কমেণ্টৰে ভৰাই দিছে। এজন ইউজাৰে লিখিছে, ‘মই দেখিছো যে তেওঁলোকে ইনষ্টাগ্ৰামতো ইজনে সিজনক ফ’ল’ কৰা নাই আৰু তেওঁলোকৰ সকলো ফটো ডিলিট কৰি পেলাইছে।’
উল্লেখ্য যে মোহিত ৰাইনাই নিজৰ জীৱনটো ব্যক্তিগতভাৱে ৰাখি ভাল পায়। এক সাক্ষাৎকাৰত অভিনেতাজনে কৈছিল যে তেওঁ এজন সাধাৰণ বন্ধুৰ জৰিয়তে অদিতিক লগ পাইছিল। মোহিত ৰাইনাই 'দেৱ কা দেৱ...মহাদেৱ' শীৰ্ষক টিভি ধাৰাবাহিকত মহাদেৱৰ চৰিত্ৰত অভিনয় কৰি ঘৰে ঘৰে জনপ্ৰিয় হৈ উঠিছিল। তেওঁ আজিও সকলোৰে মাজত মহাদেৱ নামেৰেই সমাদৃত।
Continue Reading
