ডিজিটেল ডেস্কঃ ‘মহাভাৰত’ত ‘শকুনি মামা’ৰ চৰিত্ৰত অভিনয় কৰি প্ৰতি ঘৰে ঘৰে বিখ্যাত হোৱা অভিনেতা গুফী পেইণ্টলৰ অৱস্থা বেয়া বুলি জানিব পৰা গৈছে। তেওঁৰ স্বাস্থ্যৰ অৱস্থা সংকটজনক হৈয়ে আছে। চিকিৎসালয়ত জীৱন-মৃত্যুৰ সৈতে যুঁজি আছে অভিনেতাগৰাকীয়ে। গুফী পেইণ্টলৰ বন্ধু তথা টিভি অভিনেত্ৰী টিনা ঘাইয়েও এই খবৰ নিশ্চিত কৰিছে।
৭৮ বছৰীয়া গুফী পেইণ্টালৰ মংগলৰ বাবে প্ৰাৰ্থনা কৰিবলৈ কয় পৰিয়ালৰ লোকে। গুফী পেইণ্টল যোৱা কেইবাদিনো ধৰি অসুস্থ হৈ আছে। ইয়াৰ বাবে তেওঁ ১০ দিন ধৰি আই চি ইউত ভৰ্তি হৈ আছে। বৰ্তমান চিকিৎসকৰ সম্পূৰ্ণ তত্বাৱধানত আছে অভিনেতাগৰাকী। ডাক্তৰে কয় যে ‘‘তেওঁ আগৰ তুলনাত ভাল হৈছে। সকলোকে তেওঁৰ বাবে প্ৰাৰ্থনা কৰিবলৈ অনুৰোধ জনালোঁ।’’
আশীৰ দশকত মুক্তি পোৱা বি আৰ চোপ্ৰাৰ ‘মহাভাৰত’ শীৰ্ষক ধাৰাবাহিকে সমগ্ৰ বিশ্বতে আলোড়নৰ সৃষ্টি কৰিছিল। এই শ্ব’ত ‘শকুনি মামা’ৰ চৰিত্ৰত অভিনয় কৰিছিল গুফী পেইণ্টলে। এই শ্ব’টোৰ পৰা তেওঁ ৰাইজৰ বহুত মৰম পাইছিল। তেওঁৰ নেতিবাচক ভূমিকাক তীব্ৰভাৱে ভাল পাইছিল দৰ্শকে। ইয়াৰ পিছত তেওঁক ‘পথ্থৰ কে ফুল’, ‘বল ৰাধা ব’ল’, ‘তুম কৰো ৱাদা’ আদি প্ৰজেক্টত দেখা গৈছিল।
Continue Reading
