৫ অক্টোবৰৰ পৰা আৰম্ভ হ’ব বিশ্বকাপ। একে সময়তে অহা ১৯ নৱেম্বৰত আহমেদাবাদৰ নৰেন্দ্ৰ মোদী ষ্টেডিয়ামত অনুষ্ঠিত হ’ব এই প্ৰতিযোগিতাৰ চূড়ান্ত খেল। অৱশ্যে এতিয়া ভূতপূৰ্ব ক্ৰিকেটাৰ সুনীল গাভাস্কৰে বিচিচিআইৰ পৰা বিশেষ দাবী উত্থাপন কৰিছে। সুনীল গাভাস্কৰে কয় যে ত

Listen to Article

2 min read

80%

ডিজিটেল ডেস্কঃ ৫ অক্টোবৰৰ পৰা আৰম্ভ হ’ব বিশ্বকাপ। একে সময়তে অহা ১৯ নৱেম্বৰত আহমেদাবাদৰ নৰেন্দ্ৰ মোদী ষ্টেডিয়ামত অনুষ্ঠিত হ’ব এই প্ৰতিযোগিতাৰ চূড়ান্ত খেল। অৱশ্যে এতিয়া ভূতপূৰ্ব ক্ৰিকেটাৰ সুনীল গাভাস্কৰে বিচিচিআইৰ পৰা বিশেষ দাবী উত্থাপন কৰিছে। সুনীল গাভাস্কৰে কয় যে তেওঁ বিচাৰে মহেন্দ্ৰ সিং ধোনী আৰু ইছৰো’ৰ মুৰব্বীকো সোণালী টিকট প্ৰদান কৰক। ইয়াৰ পূৰ্বে বলীউডৰ অভিনেতা অমিতাভ বচ্চনক সোণালী টিকট দিয়া হৈছিল। বিশ্বকাপৰ স্বৰ্ণ টিকট লাভ কৰা প্ৰথমজন ব্যক্তি আছিল অমিতাভ বচ্চন। ইয়াৰ পিছত বি চি চি আইয়ে শচীন তেণ্ডুলকাৰক সোণালী টিকট প্ৰদান কৰে।

বলীউডৰ অভিনেতা অমিতাভ বচ্চনৰ পাছত ভাৰতৰ প্ৰাক্তন কিংবদন্তি শচীন টেণ্ডুলকাৰক সোণালী টিকট দিয়া হৈছিল। সুনীল গাভাস্কৰে কয় যে ইছৰো’ৰ মুৰব্বী এছ. সোমনাথকো সোণালী টিকট প্ৰদান কৰিব লাগে। শেহতীয়াকৈ তেওঁৰ নেতৃত্বত ভাৰতে চন্দ্ৰযান-৩ চন্দ্ৰৰ দক্ষিণ মেৰুত সফলতাৰে অৱতৰণ কৰিছিল। সুনীল গাভাস্কৰে আশা প্ৰকাশ কৰে যে কপিল দেৱ, মহেন্দ্ৰ সিং ধোনী আৰু অন্যান্য সন্মানীয় ব্যক্তিসকলৰ উপৰিও ইছৰোৰ মুৰব্বী এছ. সোমনাথকো সোণালী টিকট দিব লাগে।

উল্লেখযোগ্য যে শেহতীয়াকৈ বলীউডৰ অভিনেতা অমিতাভ বচ্চনৰ পাছত বি চি চি আইয়ে ভাৰতীয় প্রাক্তন কিংবদন্তি শচীন তেণ্ডুলকাৰক সোণালী টিকট প্ৰদান কৰিছিল৷ এতিয়া লিটিল মাষ্টৰে আশা প্ৰকাশ কৰিলে যে কপিল দেৱ, মহেন্দ্ৰ সিং ধোনী আৰু অন্যান্য সন্মানীয় ব্যক্তিসকলৰ উপৰিও ইছৰোৰ মুৰব্বী এছ. সোমনাথেও সোণালী টিকট পাব লাগে।