ডিজিটেল ডেস্কঃ মহিলা বিশ্ব চেম্পিয়নশ্বিপত ভাৰতলৈ আৰু এটা সোণৰ পদক আহে। দেওবাৰে নতুন দিল্লীত চলি থকা আই বি এ মহিলা বিশ্ব বক্সিং চেম্পিয়নশ্বিপত সোণ জয় কৰে ভাৰতৰ নিখাত জাৰিনে। তেওঁ পৰাস্ত কৰে দুবাৰৰ এছিয়ান চেম্পিয়ন ভিয়েটনামৰ নুয়েন থি টামক। ইয়াৰ দ্বাৰা একেৰাহে দ্বিতীয়বাৰৰ বাবে বিশ্ব চেম্পিয়নৰ খিতাপ দখল কৰে নিখাত জাৰিনে।
৫০ কেজি ফ্লাই ওজনৰ ফাইনেলখনত নিখাটে ৫-০ গ’লত আধিপত্য বিস্তাৰ কৰে। কিংবদন্তি পুগিলিষ্ট মেৰী কমৰ পিছতে এতিয়া বিশ্ব চেম্পিয়নশ্বিপত একাধিক সোণৰ পদক লাভ কৰা ভাৰতীয় মহিলা বক্সাৰ দ্বিতীয়গৰাকী হিচাপে পৰিগণতি হ’ল নিখাট।
শনিবাৰে এছ পুজিলিষ্ট নিতু ঘাংহাছে স্বৰ্ণ পদক লাভ কৰি চলি থকা মহিলা বিশ্ব বক্সিং চেম্পিয়নশ্বিপৰ ফাইনেলত বিশ্ব চেম্পিয়ন হিচাপে ইতিহাস ৰচনা কৰিছিল। ৪৮ কেজি ওজনৰ শাখাত নিতু ঘাংহাছে ৫-০ গ’লত মংগোলিয়াৰ লুটচাইখান আলটানচেচেগক পৰাস্ত কৰে। ইয়াৰ লগে লগে নিতু বিশ্ব চেম্পিয়ন হোৱা ষষ্ঠগৰাকী ভাৰতীয় মহিলা হিচাপে পৰিগণিত হৈছে।
Continue Reading
