ডিজিটেল ডেস্কঃ উজ্বলি উঠিল অসমকন্যা লাভলীনা বৰগোঁহাই। নতুন দিল্লীৰ ইন্দিৰা গান্ধী এৰেনাত চলি থকা বিশ্ব বক্সিং চেম্পিয়নশ্বিপত ভাৰতৰ হৈ আন এক সোণৰ পদক দখল কৰে লাভলীনাই। দেওবাৰে ফাইনেলত অষ্ট্ৰেলিয়াৰ বক্সাৰ কেটলিন পাৰ্কাৰক পৰাস্ত কৰি ৭৫ কেজি শাখাত প্ৰথমবাৰৰ বাবে বিশ্ব চেম্পিয়নশ্বিপৰ স্বৰ্ণ পদক লাভ কৰে।
উল্লেখ্য যে ফাইনেলত প্ৰৱেশ কৰা চাৰিওগৰাকী ভাৰতীয় বক্সাৰে সোণৰ পদক লাভ কৰে। অলিম্পিকৰ পাছত এইবাৰ লাভলীনা বিশ্বৰ শ্ৰেষ্ঠতম হিচাপে পৰিগণিত হয়। কেটলিন পাৰ্কাৰক তেওঁ পৰাস্ত কৰে ৫-২ ব্যৱধানত।
লাভলীনাই টকিঅ’ অলিম্পিকত ব্ৰঞ্জৰ পদক লাভ কৰিছিল। বক্সিংত অলিম্পিক পদক লাভ কৰা দুগৰাকী ভাৰতীয় মহিলাৰ ভিতৰত তেওঁৱো অন্যতম। মেৰী কমে বিশ্ব চেম্পিয়নশ্বিপৰ ইতিহাসত অভিলেখ সৃষ্টি কৰিছিল ছটা স্বৰ্ণ পদক। বিশ্ব চেম্পিয়নশ্বিপত একাধিক পদক লাভ কৰা আন একমাত্ৰ ভাৰতীয় নিখাত জৰীণ।
লাভলীনাই মহিলা বিশ্ব বক্সিং চেম্পিয়নশ্বিপত ৭টা পদক লাভ কৰা ভাৰতীয় মহিলা বক্সাৰৰ তালিকাত মেৰী কম (২০০২, ২০০৫, ২০০৬, ২০০৮, ২০১০, আৰু ২০১৮), সৰিতা দেৱী (২০০৬), জেনী আৰ এল (২০০৬), লেখা কে চি (২০০৬), নিখাত জৰীণ (২০২২, ২০২৩), আৰু নিতু ঘাংহাছ (২০১৮)ৰ সৈতে যোগদান কৰিছে।
Continue Reading
