ডিজিটেল ডেস্ক; যুগান্তকাৰী মহিলা সংৰক্ষণ বিধেয়কৰ সমৰ্থনত মত প্ৰকাশ কৰিছে চিনেমা নিৰ্মাতা মহেশ ভাটে৷ সংসদত মহিলা সংৰক্ষণ বিধেয়ক গৃহীত হোৱাৰ পাছত এই বিধয়ক গৃহীত কৰা কাৰ্যক প্ৰশংসাৰে ওপতাই দিছে ভাটে৷ মুম্বাইত ‘৭:৪০ কী লেডিজ স্পেচিয়েল’ শীৰ্ষক এখন নতুন নাটকৰ পোষ্টাৰ মুকলি অনুষ্ঠানত অংশগ্ৰহণ কৰি ভাটে বুধবাৰে খচৰা আইনখনৰ সন্দৰ্ভত নিজৰ মতামত ব্যক্ত কৰে।
এই বিধেয়কখনক সমৰ্থন কৰি তেওঁ কয়, মই সৰুৰে পৰা ওচৰৰ পৰা মহিলা শক্তিৰ অভিজ্ঞতা লাভ কৰি আহিছোঁ। যদি আমাৰ মাতৃসকল নাথাকিলহেঁতেন, আমি আজি ইয়াত নাথাকিলোঁহেঁতেন। মই অত্যন্ত সুখী যে আমাৰ চৰকাৰে আমাৰ মহিলাসকলক পুৰুষৰ সমতুল্য কৰি তুলিবলৈ এই ঐতিহাসিক পদক্ষেপ গ্ৰহণ কৰিছে৷
‘৭:৪০ কী লেডিজ স্পেচিয়েল’ হৈছে পূজা শৰ্মা নামৰ এগৰাকী তৃতীয় লিংগৰ ব্যক্তিৰ জীৱন কাহিনীৰ আধাৰত এক মঞ্চ প্ৰযোজনা, যাক জুনিয়ৰ ৰেখা বুলিও জনা যায় আৰু তেওঁ আশ্চৰ্যকৰ নৃত্য-দক্ষতাৰ বাবে অতিশয় জনপ্ৰিয়। এই কাহিনীটোৱে পূজাৰ খ্যাতি বৃদ্ধিৰ পূৰ্বে অলেখ নেদেখা যাত্ৰাৰ কাহিনী বৰ্ণনা কৰিছে৷ পূজাৰ জীৱনত এনে তিনিটা গুৰুত্বপূৰ্ণ ঘটনা আছে, যিয়ে তেওঁৰ জীৱনত গুৰুত্বপূৰ্ণ পৰিৱৰ্তন ঘটাইছিল।
পোষ্টাৰ মুকলি অনুষ্ঠানত প্ৰবীণ চলচ্চিত্ৰ নিৰ্মাতাগৰাকীয়ে ভগত সিঙক শ্ৰদ্ধাঞ্জলি জ্ঞাপন কৰে। ভগত সিঙৰ ভতিজা কিৰণ জিত সিং অনুষ্ঠানটোত সন্মানীয় অতিথি আছিল।
নাটকখনৰ বিষয়ে কথা পাতি ভাটে কয়, এখন ভাল চলচ্চিত্ৰ বা নাটকৰ ৰহস্য হৈছে যে তেওঁলোকে মানুহৰ জৰিয়তে তেওঁলোকৰ স্থান সৃষ্টি কৰে। গতিকে প্ৰথম প্ৰদৰ্শনীৰ পাছত, দ্বিতীয়টো অনুষ্ঠান হৈছে আৰু এতিয়া তৃতীয়টো অনুষ্ঠান কলকাতাত অনুষ্ঠিত হ’বলৈ গৈ আছে।
Continue Reading
