ডিজিটেল ডেস্কঃ বিশাখাপট্টনমত ৰোহিত বাহিনীয়ে দুৰ্যোগৰ সন্মুখীন হয়। প্ৰথমে ভাৰতক মাত্ৰ ১১৭ ৰানতে অষ্ট্ৰেলিয়াৰ বলাৰসকলে অল আউট কৰে। সেই অতি কম স্ক’ৰৰ ৰানৰ লক্ষ্য লৈ অষ্ট্ৰেলিয়াৰ দুই অ’পেনাৰে বেটিং আৰম্ভ কৰাৰ ধৰণটো দেখি আপ্লুত হয় টীম ইণ্ডিয়াৰ অধিনায়ক ৰোহিত শৰ্মা। খেলপথাৰতে ভাৰতীয় অধিনায়কগৰাকীয়ে চেলুট দিলে অপেনাৰ মিচেল মাৰ্ছক।
১১৭ ৰানৰ লক্ষ্য লৈ অষ্ট্ৰেলিয়াৰ দুজন অ’পেনাৰ মিচেল মাৰ্ছ আৰু ট্ৰেভিছ হেডে আৰম্ভণিৰে পৰাই বিধ্বংসী বেটিং আৰম্ভ কৰে। কোনো ভাৰতীয় বলাৰকে ৰেহাই দিয়া নাছিল। পাৱাৰ প্লে ব্যৱহাৰ কৰি দ্ৰুত ৰান কৰি আছিল।
অষ্ট্ৰেলিয়াৰ ইনিংছৰ পঞ্চম অভাৰত মাৰ্ছে শ্বামীৰ প্ৰথমটো বলতে ছয়ৰ বাবে আঘাত কৰে। পিছৰ বলত চাৰি মাৰিলে। মাৰ্ছে চতুৰ্থ বলটো পুল কৰে। বলটো পোনে পোনে গৈ দৰ্শকৰ ভিৰৰ মাজলৈ সোমাই গ’ল। শ্বটটো দেখি ৰোহিত আপ্লুত হ’ল। মাৰ্ছক তেওঁ চেলুট দিয়া দেখা যায়। অষ্ট্ৰেলিয়াৰ বেটছমেনক কেনেকৈ ৰখাব পাৰি তেওঁ একো উৱাদিহ নাপালে।
অষ্ট্ৰেলিয়াৰ বিৰুদ্ধে এদিনীয়া শৃংখলাৰ প্ৰথমখন খেলত ভাৰতে জয়লাভ কৰে। মুম্বাইত ৫ উইকেটত জয়লাভ কৰে ভাৰতে। কিন্তু দ্বিতীয়খন মেচত ভাৰতে উজুটি খালে। খেলখনত ১০ উইকেটত পৰাস্ত হয় ৰোহিতে। বুধবাৰে চেন্নাইত অনুষ্ঠিত হ’বলগীয়া তৃতীয়খন মেচ সেয়ে এই শৃংখলাৰ নিৰ্ণায়ক হৈ পৰিছে।
Continue Reading
