ডিজিটেল ডেস্কঃ প্ৰথম বৰ্ষৰ আইপিএলত হৰভজন সিঙে এছ শ্ৰীসান্থক চৰ মৰাৰ ঘটনাটো মনত আছে নে? আকস্মিক ঘটনাটোৱে আইপিএলৰ উত্তাপ বৃদ্ধি কৰিছিল। হৰভজনে শ্ৰীসান্থক খেলপথাৰতে চৰ মাৰিছিল। শ্ৰীসান্থৰ কান্দোনৰ ছবি এতিয়াও দৰ্শকৰ মনত খোদিত হৈ আছে।
ইমান বছৰৰ মূৰত সেই বিষয়ে শ্ৰীসান্থই মুখ মেলিছে। সকলো অপমান পাহৰি তেওঁ কেৱল হৰভজনৰ স’তে হোৱা বন্ধুত্বৰ কথাহে ক’লে। তেওঁ হৰভজনৰ বাবে জনপ্ৰিয় হিন্দী চলচ্চিত্ৰ গীতৰ কথাও উল্লেখ কৰে।
এটা ক্ৰীড়া ৱেবছাইটক দিয়া এক সাক্ষাৎকাৰত শ্ৰীসান্থই কয়- ''আমি সদায় বন্ধুত্ব পালন কৰি আহিছো। ভুল বুজাবুজিৰ বাবেই সেয়া ঘটিছিল। সংবাদ মাধ্যমেও বেছি কৰিছিল।’’
শ্ৰীসান্থই কয় যে হৰভজনে তেওঁক ক্ৰিকেট কেৰিয়াৰৰ আৰম্ভণিৰে পৰাই সহায় কৰি আহিছে। ক্ৰিকেট ত্যাগ কৰাৰ পিছতো তেওঁ ভাজ্জীক কাষত ৰাখিছে। কেৰেলাৰ পেচাৰগৰাকীয়ে কয়- ''ভাজ্জী ভাইয়ে মোক কেৰিয়াৰৰ আৰম্ভণিৰে পৰাই সহায় কৰি আহিছে। খেল এৰি যোৱাৰ পিছতো হৰভজনেও মোক সহায় কৰিছে। তেওঁৰ লগত মোৰ সম্পৰ্ক এটা শাৰীতে বুজাব পাৰি। অৰ্থাৎ—তেৰে জয়াছা য়াৰ কাহান।''
হৰভজনে ২০০৮ চনত আই পি এলত মুম্বাই ইণ্ডিয়ানছৰ হৈ খেলিছিল। সেই সময়ত শ্ৰীসান্থই পঞ্জাৱ কিংছৰ হৈ খেলি আছিল। এখন খেলৰ অন্তত খেলপথাৰত শ্ৰীসান্থক চৰ মাৰিলে হৰভজনে। তাৰ বাবে শাস্তিও পাইছিল ভাৰতীয় স্পিনাৰগৰাকীয়ে।
অৱশ্যে শ্ৰীসান্থক চৰ মাৰি হৰভজনে ক্ষমা খুজিছিল। যোৱা বছৰ এটা অনুষ্ঠানত উপস্থিত হৈ ভাজ্জীয়ে কয়- ''যি হৈছিল সেয়া ভুল আছিল। মই ভুল কৰিছিলোঁ তাৰ বাবে মোৰ সতীৰ্থসকলক অসন্মান কৰা হৈছিল। মই নিজকে নিয়ন্ত্ৰণ কৰিব লাগিছিল।''
সেই অনুষ্ঠানত শ্ৰীসান্থো উপস্থিত আছিল। অনুষ্ঠানৰ সময়ত দুয়োজনে ইজনে সিজনক সাৱটি ধৰিছিল।
Continue Reading
