ডিজিটেল ডেস্কঃ দেশত মুছলমানসকলৰ সৈতে বিজেপি চৰকাৰে দুৰ্ব্যৱহাৰ কৰি আহিছে। জম্মু-কাশ্মীৰৰ প্ৰাক্তন মুখ্যমন্ত্ৰী ফাৰুক আব্দুল্লাই এই অভিযোগ আনিছে। জ্যেষ্ঠ নেতা চাগন ভুজবলৰ ৭৫ তম জন্মদিন উপলক্ষে এনচিপিয়ে মুম্বাইত আয়োজন কৰা এটা অনুষ্ঠানত উপস্থিত থাকি আব্দুলাই এইদৰে কয়।
উল্লেখযোগ্য ভুজবলে মহাৰাষ্ট্ৰৰ উপ মুখ্যমন্ত্ৰী হিচাপে কাৰ্যনিৰ্বাহ কৰিছইল। তেওঁক দলটোৰ অ'বিচি শ্ৰেণীৰ মূল নেতা বুলি জনা যায়। এনচিপিৰ মুৰব্বী শৰদ পাৱাৰ, মহাৰাষ্ট্ৰৰ প্ৰাক্তন মুখ্যমন্ত্ৰী উদ্ধৱ ঠাকৰে আৰু প্ৰসিদ্ধ গীতিকাৰ জাভেড আখটাৰেও অনুষ্ঠানটোত বক্তব্য ৰাখে।
আব্দুলাই কয় যে তেওঁ এজন ভাৰতীয় মুছলমান। চীনা মুছলমান নহয়। দেশখনক কাশ্মীৰৰ পৰা কন্যাকুমাৰীলৈকে এক কৰি ৰাখিব লাগিব বুলিও তেওঁ দোহাৰে।
"সকলোৰে মাজত ভিন্নতা থাকিব পাৰে। কিন্তু একেলগে আমি এই দেশখন নিৰ্মাণ কৰিব পাৰোঁ। ইয়াক বন্ধুত্ব বুলি কোৱা হয়।”- আব্দুলাই কয়- “ধৰ্মবোৰে মানুহক ইজনে সিজনক ঘৃণা কৰিবলৈ শিকাব নোৱাৰে। এয়া হিন্দুস্তান। এই দেশখন সকলোৰে বাবে।"
উল্লেখযোগ্য জম্মু কাশ্মীৰ শক্তিশালী নেতা তথা প্ৰাক্তন মুখ্যমন্ত্ৰীজনে ২০১৯ চনৰ আগষ্টত জম্মু-কাশ্মীৰৰ বিশেষ মৰ্যাদা বাতিল কৰাৰ পিছত এবছৰতকৈও অধিক সময়ৰ বাবে কাৰাবাস খাটিব লগা হৈছিল।
Continue Reading
