মই গাজাত সংঘটিত গণহত্যাত অংশগ্ৰহণ নকৰোঃ ৱাশ্বিংটনত ইজৰাইলী দূতাবাসৰ বাহিৰত নিজৰ দেহত অগ্নি সংযোগ কৰি আত্মহত্যাৰ চেষ্টা মাৰ্কিন সেনাৰ

 মই গাজাত আক্ৰমণৰ প্ৰতিবাদ কৰিবলৈ এনে  বিপদজনক পদক্ষেপ ল'বলৈ গৈ আছো। তেওঁ এইকথা কৈয়েই  নিজৰ দেহত জুই লগাই আত্মজাহৰ চেষ্টা চলায়।  অৱশ্যে দূতাবাসৰ বাহিৰত উপস্থিত থকা নিৰাপত্তাৰক্ষীয়ে লগে লগে ব্যৱস্থা গ্ৰহণ কৰে আৰু জুই নুমুৱাবলৈ চেষ্টা কৰে।  নিৰাপত্তাৰক্ষীয়ে সৈন্য জনৰ দেহত লগা জুই নুমাবায় যদিও সৈনিকজনৰ অৱস্থা বৰ্তমান সংকটজনক। সৈনিকজনে দূতাবাসৰ বাহিৰত থিয় হৈ থকাৰ সময়ত  নিৰাপত্তা বিষয়াসকলে তেওঁৰ সৈতে কথা পাতিবলৈ চেষ্টা কৰিছিল। আমেৰিকা যুক্তৰাষ্ট্ৰৰ সংবাদ মাধ্যমৰ মতে আত্মহনন কৰিবলৈ চেষ্টা কৰা সৈনিকজনক চিকিৎসালয়ত ভৰ্তি কৰোৱা হৈছে। তেওঁ নিজকৰ দেহত  জুই লগোৱাৰ আগতে 'টুইচ্চ' নামৰ এটা  ছ'চিয়েল মিডিয়া প্লেটফৰ্মত লাইভ ষ্ট্ৰীম কৰিছিল। অৱশ্যে, ঘটনাটোৰ পিছতে ভিডিঅ'টো প্লেটফৰ্মৰ পৰা আঁতৰাই দিয়া হয়।

২০২৩ চনৰ ৭ অক্টোবৰত আৰম্ভ হোৱা ইজৰাইল-হামাছৰ  যুদ্ধ সন্দৰ্ভত ২০ ফেব্ৰুৱাৰীত ৰাষ্ট্ৰসংঘৰ নিৰাপত্তা পৰিষদৰ বৈঠক । বৈঠকত আমেৰিকাই গাজাত তাৎক্ষণিকভাৱেযুদ্ধ বিৰতিৰ  প্ৰস্তাৱ নাকচ কৰিছিল।।