'মই ঘৰ এৰি গুচি যাম'!কংগনাৰ লগত বেছি হলিগলি কৰোতে অজয়ক ধমকি দিছিল কাজলে

ডিজিটেল ডেস্কঃ অজয় দেৱগন আৰু কাজল হৈছে বলীউডৰ অন্যতম জনপ্ৰিয় আৰু শক্তিশালী দম্পতি। ২৩ বছৰ ধৰি সুখৰ সংসাৰ কৰি আছে অজয়-কাজলে। দুয়োৰে মাজত আছে অতি মিলা-প্ৰীতি। এটি কন্যা সন্তান আৰু এটি পুত্ৰ সন্তানেৰে ভৰপূৰ অজয়-কাজলৰ সোণালী সংসাৰ। পাছে এই সুখৰ সংসাৰতো মাজতে লাগিছিল কেৰোণ। সংসাৰখন ভাঙিবলৈ ওলাইছিলেই, পাছে কোনোমতেহে পৰিল ৰক্ষা। অজয় আৰু কাজলৰ সম্পৰ্কত কেৰোণ লগাবলৈ খলনায়িকা হিচাপে প্ৰৱেশ কৰিছিল কংগনা ৰাণাৱট। ‘ৱান্স আপন এ টাইম ইন মুম্বাই’ চিনেমাখনৰ শ্বুটিং চলি থকাৰ সময়তে অজয় দেৱগন আৰু কাজলৰ মাজত কাজিয়া চলি থকাৰ খবৰ পোৱা গৈছিল। এই কাজিয়াৰ মূলতে আছিল কংগনা ৰাণাৱট। অজয় দেৱগন আৰু কংগনা ৰাণাৱটৰ নিবিড় সম্পৰ্ক গঢ় লৈ উঠে ‘ৱান্স আপন এ টাইম ইন মুম্বাই’ চিনেমাখনৰ শ্বুটিং চলি থকাৰ সময়ত। কংগনা ৰাণাৱট আৰু অজয় দেৱগণে ছবিখনৰ শ্বুটিঙৰ কাম শেষ হৈ যোৱাৰ পাছতো দুয়ো একেলগে যথেষ্ট সময় অতিবাহিত কৰিবলৈ আৰম্ভ কৰিছিল। গছিপ অনুসৰি অজয় দেৱগন আৰু কংগনা ইজনে সিজনৰ হৃদয়ৰ খুবেই ওচৰ চাপিছিল। অজয় দেৱগণেও কংগনাৰ ৰূপ-সৌন্দৰ্যত মুগ্ধ হৈ 'ৰাস্কেল' আৰু 'তেজ'ত অভিনয় কৰাৰো সুযোগ প্ৰদান কৰে। কংগনাই এই চিনেমা দুখন পোৱাত সহায় কৰিছিল অজয়ে। 'তেজ'ত বিদ্যা বালানক অফাৰ দিয়া হৈছিল কিন্তু অজয়ে কংগনাক ল'বলৈ অনুৰোধ কৰাত চিনেমাখন বিদ্যা বালানৰ সলনি কংগনাই লাভ কৰিছিল। অজয়ৰ সৈতে এই দুখন চিনেমাতো অভিনয় কৰে কংগনাই। এই খবৰ বাগৰি বাগৰি কাজলৰ কাণতো গৈ পৰে। এই কথা শুনি ধৈৰ্য ধৰে কেনেকৈ পত্নীয়ে। কাজলে স্বামী অজয়ক কংগনাৰ পৰা আঁতৰি থাকিবলৈ বাৰে বাৰে আদেশ দিছিল। ই খবৰবোৰ শুনাৰ পিছত কাজলৰ ইমানেই খং উঠিছিল যে তেওঁ ল’ৰা-ছোৱালী কেইটাক লগত লৈ অজয়ক এৰি যোৱাৰ ধমকি দিছিল। কাজলে ঘৰ এৰি গুচি যাম বুলি কোৱাত অজয়ে তেনে নকৰিবলৈ কয় কাজলক। তেতিয়া কাজলে অজয় দেৱগনক শপত খুৱাই কয় যে ''তুমি কংগনাৰ পৰা আঁতৰি থাকিবা আৰু একেলগে কোনো চিনেমা নকৰিবা।'' অজয় দেৱগনেও প্ৰিয়তমা পত্নীক হেৰুওৱাৰ ভয়ত সেই কথা মানি লয় আৰু তেতিয়াৰে পৰা অজয় দেৱগন আৰু কংগনা ৰাণাৱটক একেলগে কোনো ছবিতে দেখা পোৱা নাই। আৰু পঢ়কঃ ‘নাইটবাৰ্ডি’ নামেৰে আছিল জনপ্ৰিয়! সংগীতশিল্পী জেন মাৰ্কজেউস্কিৰ ৩১ বছৰত মৃত্যু