ডিজিটেল ডেস্ক: ''মোৰ সৌন্দৰ্যই মোৰ বাবে বিপদ মাতি আনিছে। মই ইমানেই ধুনীয়া যে ৰাস্তাত মানুহে মোক ঘূৰি ঘূৰি চায়। এই কথাই মোক বৰ অশান্তি দিয়ে''- এই দাবী এগৰাকী মডেলৰ। মডেলগৰাকীয়ে কয় যে তেওঁ দেখাত ইমান ধুনীয়া যে মানুহে তেওঁৰ ফালে চাই থাকে। জিম হওক বা বজাৰ হওক, তেওঁ সকলোতে এই সমস্যাৰ সন্মুখীন হ’বলগীয়া হৈছে। সেয়েহে মডেলগৰাকীয়ে এতিয়া এতিয়া লাখ লাখ টকা খৰচ কৰি নিজৰ বাবে দেহৰক্ষী নিয়োগ কৰাৰ পৰিকল্পনা কৰিছে, যাতে তেওঁ শান্তিৰে জীয়াই থাকিব পাৰে। মডেল মণিকা হাল্ডে এই অভিজ্ঞতা ছ’চিয়েল মিডিয়াত শ্বেয়াৰ কৰিছে।
৩৭ বছৰীয়া মনিকা আমেৰিকাৰ এৰিজোনাৰ বাসিন্দা। জিমত পুৰুষে তেওঁলৈ চাই থকাটো বন্ধ কৰিব নোৱাৰা বাবে তেওঁ দেহৰক্ষী নিয়োগ কৰাৰ কথা ভাবিছে। মণিকাই বিচাৰে যে তেওঁৰ দেহৰক্ষী এনেকুৱা হ’ব লাগে যাতে তেওঁ মানুহক ভয় খুৱাব পাৰে।
সপ্তাহত পাঁচ দিন মণিকা হাল্ডে ৱৰ্কআউট কৰে। জিমত পুৰুষে তেওঁক চাই থাকে। কিছুমান মানুহে তেওঁৰ লগত কথা পাতিবলৈ আগ্ৰহী আৰু কিছুমানে তেওঁক অপ্ৰয়োজনীয়ভাৱে প্ৰশংসা কৰি থাকে। পুৰুষে কিবা নহয় কিবা অজুহাত দেখুৱাই তেওঁৰ ওচৰলৈ আহিবলৈ চেষ্টা কৰে। ইয়াৰ ফলত মণিকা বিচলিত হৈ পৰে আৰু তেওঁ জিমত মনোনিৱেশ কৰিব নোৱাৰে।
মণিকাই কয় যে মই মোৰ বাবে দেহৰক্ষী নিয়োগ কৰিব বিচাৰো। কাম ভালকে কৰা আৰু মানুহক ভয় খুৱাব পৰা দেহৰক্ষীৰ বাবে মই আনন্দৰে মাহে ৩০০০ ডলাৰ (২ লাখ ৪৫ হাজাৰ টকা) খৰচ কৰিম। মনিকা কয়- মোৰ বাবে ব্যায়াম কৰাটো অতি গুৰুত্বপূৰ্ণ। কেৱল শাৰীৰিক স্বাস্থ্যৰ বাবেই নহয় মানসিক স্বাস্থ্যৰ বাবেও এই কাম কৰিছো।
মণিকা বিবাহিত আৰু স্বামী জনৰ সৈতে তেওঁ থাকে। ছ’চিয়েল মিডিয়াত তেওঁ অতি সক্ৰিয়। ৩ লাখৰো অধিক লোকে তেওঁক ইনষ্টাগ্ৰামত ফ’ল’ কৰে।
অৱশ্যে মণিকাই স্বীকাৰ কৰে যে কোনোবাই তাইৰ সৌন্দৰ্য্যৰ প্ৰশংসা কৰিলে ভাল পায় যদিও সকলো সময়তে ভাল নাপায়।
Continue Reading
