ডিজিটেল ডেস্ক; শ্বাহৰূখ খান প্ৰসংগত প্ৰতিক্ৰিয়া ব্যক্ত কৰি দেশজুৰি চৰ্চিত হৈছে ৰাজ্যৰ মুখ্যমন্ত্ৰী হিমন্ত বিশ্ব শৰ্মা৷ কালি এখন সংবাদমেলত মুখ্যমন্ত্ৰীগৰাকীয়ে শ্বাহৰূখ খান কোন বুলি প্ৰশ্ন কৰিছিল৷ লগতে মুখ্যমন্ত্ৰীগৰাকীয়ে পাঠান প্ৰসংগত মুখ খুলি তেওঁ পাঠান নাচায় বুলি কোৱাৰ লগতে ডক্তৰ বেজবৰুৱা ২হে সকলোৱে চোৱা উচিত বুলি মন্তব্য কৰিছিল৷
আৰু মুখ্যমন্ত্ৰীৰ শ্বাহৰূখ খান কোন বুলি কৰা মন্তব্যই দেশজুৰি ক্ৰিয়া-প্ৰতিক্ৰিয়াৰ সৃষ্টি কৰিছিল৷ আৰু গুৱাহাটীৰ হলত পোষ্টাৰ জ্বলোৱা ঘটনাৰ প্ৰতিক্ৰিয়া ব্যক্ত কৰি ড° শৰ্মাই প্ৰয়োজন হ’লে শ্বাহৰূখ খানে তেওঁক ফোন কৰিব বুলি মন্তব্য কৰিছিল৷ আৰু আজি পুৱা মুখ্যমন্ত্ৰীগৰাকীয়ে টুইট কৰি অৱগত কৰায় যে নিশা দুই বজাত শ্বাহৰূখ খানে তেওঁক ফোন কৰি ঘটনাৰ বুজ লয়৷ আৰু মুখ্যমন্ত্ৰীগৰাকীয়ে আইন-শৃংখলাজনিত পৰিস্থিতিৰ অৱনতি নঘটাৰ নিশ্চিতি প্ৰদান কৰা বুলি টুইটত অৱগত কৰে৷
আৰু সেই টুইটো আজি চৰ্চিত হয় ৰাষ্ট্ৰীয় সংবাদ মাধ্যমত৷ এটা ৰাষ্ট্ৰীয় সংবাদ প্ৰতিষ্ঠানে এই টুইটৰ ওপৰত আৰম্ভ কৰে চৰ্চা৷ আৰু কিছুসময় পূৰ্বে মুখ্যমন্ত্ৰীয়ে সেই প্ৰতিষ্ঠানটোক প্ৰত্যুত্তৰ দি আন এক টুইট কৰে৷ 
মুখ্যমন্ত্ৰীয়ে লিখিছে-
সেই ‘শ্ৰী’য়ে মোৰ কাৰ্যালয়ৰ মৰ্যাদা প্ৰতিফলিত কৰে। মই কাকো ফোন কৰা নাই কিন্তু অভিনেতাজনেহে মোক ফোন কৰিছিল আৰু নিজৰ পৰিচয় দিছিল। আইন-শৃংখলাৰ ওপৰত মোৰ আশ্বাসে কেৱল মোৰ সাংবিধানিক কৰ্তব্যক প্ৰতিফলিত কৰে।
Continue Reading
