ডিজিটেল ডেস্কঃ বিগত এবছৰত সুস্মিতা সেনৰ নাম বিভিন্ন কাৰণত চৰ্চালৈ আহিছে। তেওঁ জীৱনত কেইবাটাও সিদ্ধান্ত লৈছিল, যিবোৰ বহুতৰে বাবে চৰ্চাৰ বিষয় আছিল। সুস্মিতাই ২১ বছৰ বয়সতে মাতৃ হোৱাৰ সিদ্ধান্ত লছিল। সমাজত বহু বাধাৰ সন্মুখীন হ’বলগীয়া হৈছিল। ইমান কম বয়সতে সন্তান দত্তক লোৱাৰ সিদ্ধান্ত লোৱাত তেওঁৰ পিতৃ-মাতৃৰ পৰাও মতামত বিচৰা হৈছিল। আদালতৰ ন্যায়াধীশেও এই প্ৰশ্ন উত্থাপন কৰে। সেই পৰিস্থিতিত অভিনেত্ৰীগৰাকীৰ কাষত খোদ পিতৃ-মাতৃ আছিল। পুৰণি দিনৰ এটা সাক্ষাৎকাৰ শেহতীয়াকৈ ভাইৰেল হৈ পৰিছে।
সুস্মিতাই ক’লে, “এটা এবছৰীয়া শিশুৰ বাবে আবেদন কৰিছো। ইমান সহজ নাছিল কথাবোৰ। ৰেনে মোৰ ওচৰলৈ অহাৰ ছমাহৰ পিছত আদালতৰ কাম আৰম্ভ হ’ল।’’ শুনানি আৰম্ভ হ’ল। ন্যায়াধীশে নায়িকাৰ দেউতাকৰ মত সুধিলে। ইয়াৰ বাবেই ছোৱালীজনীৰ বিবাহ পৰিকল্পনাও ব্যাহত হ’ব পাৰে বুলি উল্লেখ কৰে ন্যায়াধীশগৰাকীয়ে।
উত্তৰত সুস্মিতাৰ দেউতাকে ক’লে, “তাই কাৰোবাৰ পত্নী হ’বলৈ অহা নাই। তাই নিজেই মাতৃত্ব বাছি লৈছে।” অৱশেষত ক’ৰ্টত সুষমিতাই জয়লাভ কৰে। ৰেনে আজীৱন সেন পৰিয়ালৰ লগত সম্পৰ্কিত হৈ পৰিল।
Continue Reading
