ডিজিটেল ডেস্কঃ হলিউডৰ কিশোৰ তাৰকাসকলৰ মাজত এখন চিনাকি মুখ তেওঁ। কেমেৰাৰ সন্মুখতে ডাঙৰ-দীঘল হৈছিল তাৰকাগৰাকী। তেওঁ হৈছে 'ষ্ট্ৰেঞ্জাৰ থিংছ’খ্যাত অভিনেতা নোৱাহ শ্লাপ্প।
শেহতীয়াকৈ নোৱাহে নিজকে সমকামী বুলি ঘোষণা কৰিছে। সামাজিক মাধ্যমযোগে তেওঁ এই কথা কৈছে।
নোৱাহে অলপতে সামাজিক মাধ্যমত এটা ভিডিঅ' পোষ্ট কৰিছিল। সেই ভিডিঅ'টোত নোৱাহক এটা জনপ্ৰিয় গানৰ সৈতে ওঁঠ মিলোৱা দেখা গৈছে।
প’ষ্টটোৰ স’তে নোৱাহে লিখে- "১৮ বছৰৰ পিছত যেতিয়া মই মোৰ পৰিয়াল আৰু বন্ধুবৰ্গক কৈছিলো যে মই সমকামী, সকলোৱে কৈছিল যে তেওঁলোকে এই বিষয়ে ইতিমধ্যে জ্ঞাত।’’
এই ভিডিঅ'টোৰ জৰিয়তে নোৱাহে নিজৰ পৰিয়াল আৰু বন্ধুবৰ্গকে ধৰি সমগ্ৰ বিশ্বক নিজৰ সমকামী পৰিচয় দিছে।
২০২২ চনৰ জুলাইত অ'টিটি প্লেটফৰ্ম নেটফ্লিক্সত 'ষ্ট্ৰেঞ্জাৰ থিংছ'ৰ চতুৰ্থ চিজন মুকলি কৰা হৈছিল। জনপ্ৰিয় হলীউড চিৰিজটোৰ জৰিয়তে দৰ্শকৰ নয়নৰ মণি হৈ পৰিছে নোৱাহ।
Continue Reading
