ডিজিটেল ডেস্কঃ উৰ্বশী ৰৌতেলাই ৰহস্য ভাল পায়। ৰহস্যময়ভাৱে তেওঁ সদায় ঋষভ পন্তৰ চাৰিওফালে ঘূৰি ফুৰে। শেহতীয়াকৈ তেওঁ মুম্বাইৰ কোকিলাবেন ধীৰুভাই আম্বানী চিকিৎসালয়ৰ চাৰিওফালে ঘূৰি ফুৰিছে। ইয়াৰ কাৰণো হৈছে ঋষভ পন্ত।
উল্লেখ্য যে ভয়াৱহ মটৰ দুৰ্ঘটনাৰ চিকিৎসাৰ বাবে ঋষভক মুম্বাইৰ চিকিৎসালয়খনত ভৰ্তি কৰোৱা হৈছে। সম্প্ৰতি তাতে চিকিৎসাগ্ৰহণ কৰি আছে তাৰকা ক্ৰিকেটাৰগৰাকীয়ে।
শেহতীয়াকৈ উৰ্বশীৰ নতুন এটা ইনষ্টাগ্ৰাম ষ্ট’ৰীক জল্পনা-কল্পনা চলি আছে। বৃহস্পতিবাৰে উৰ্বশীয়ে দিয়া চিকিৎসালয়ৰ ভৱনটোৰ ক'লা-বগা ছবিখনত কোনো শিৰোনাম নাছিল। কিন্তু নেটিজেনসকলৰ বাবে ইয়াৰ প্ৰকৃত কাৰণ চিনাক্ত কৰাটো কঠিন নাছিল। এই চিকিৎসালয়তে ঋষভক বুধবাৰে ডেৰাডুনৰ আন এখন চিকিৎসালয়লৈ লৈ যোৱা হৈছিল। ক্ৰিকেট তাৰকাজনৰ তাত অস্ত্ৰোপচাৰ হোৱাৰ কথা।
ঋষভক অস্ত্ৰোপচাৰৰ বাবে লৈ যোৱাৰ লগে লগে উৰ্বশীয়ে মুম্বাইৰ কোকিলাবেন ধীৰুভাই আম্বানী চিকিৎসালয়ৰ সন্মুখলৈ গৈ নিজেই ছবিখন তুলি লয়। অৱশ্যে দুৰ্ঘটনাটোৰ পাছত উৰ্বশীয়ে ঋষভৰ বিষয়ে পোনপটীয়াকৈ একো কোৱা নাছিল।
যদিও উৰ্বশীয়ে একো কোৱা নাই, অভিনেত্ৰীগৰাকীৰ মাক মীৰাই শেহতীয়াকৈ সামাজিক মাধ্যমত লিখিছিল- "ঋষভ সোনকালেই সুস্থ হ'ব আৰু আন্তঃৰাষ্ট্ৰীয় ক্ৰিকেটলৈ উভতি আহিব। তেওঁ উত্তৰাখণ্ডৰ নাম উজ্জ্বল কৰিব। সকলোৱে একেলগে ঋষভৰ বাবে প্ৰাৰ্থনা কৰোঁ আহক।"
Continue Reading
