ডিজিটেল ডেস্কঃ বলীউডৰ জনপ্ৰিয় অভিনেতা কাৰ্তিক আৰিয়ানে 'কান্তাৰা'ৰ দৰে ছবিত কাম কৰাৰ ইচ্ছা প্ৰকাশ কৰিছে। লগতে কাৰ্তিকে প্ৰকাশ কৰে যে তেওঁ এজন দেশী মানুহ আৰু তেওঁ কান্তাৰাৰ দৰে চিনেমা চাবলৈ ভাল পায়। এটা সাক্ষাৎকাৰৰ সময়ত কাৰ্তিকক সোধা হৈছিল যে তেওঁ কান্তাৰাৰ দৰে ছবি এখন কৰিব বিচাৰে নেকি? এই কথাত কাৰ্তিক আৰিয়ানে বিচাৰো বুলি কয়। উল্লেখ্য যে ঋষভ শ্বেট্টীৰ ছবি কান্তাৰাই দৰ্শকৰ পৰা অপৰিসীম মৰম লাভ কৰাৰ লগে লগে দক্ষিণৰ ছবিয়ে পুনৰবাৰ সমগ্ৰ ভাৰতীয় দৰ্শকৰ দৃষ্টি আকৰ্ষণ কৰিবলৈ সক্ষম হৈছে।
কাৰ্তিকে কয়- ''মাটিৰ গোন্ধ থকা ছবি কৰিবলৈ মই ভাল পাম। মই নিজেও এজন অতি দেশী ব্যক্তি। মোৰ তেজ সম্পূৰ্ণ থলুৱা। এনে চিনেমা চাই ভাল পোৱাৰ লগতে এনে চিনেমা কৰিবলৈও মই ভালপাম।
তেওঁ লগতে কয় যে আজিকালি কিছুমান শিৰোনামত দেখিছোঁ যে কাৰ্তিকৰ যুগ আৰম্ভ হৈছে। এনে সফলতা দেখি বৰ আনন্দ লাগে। আগন্তুক দিনতো মোৰ চিনেমাবোৰ চলি থাকিব আৰু ভাল চিনেমা কৰি যাম বুলি আশা কৰিলোঁ।''
বৰ্তমান সময়ত চলচ্চিত্ৰ জগতত কাৰ্তিক আৰিয়ানৰ কেৰিয়াৰ অতি সফলতাৰে চলি আছে। এইবাৰ তেওঁৰ ছবি 'ভূল ভুলাইয়া ২-’ৱে বক্স অফিচত ভাল প্ৰদৰ্শন কৰিছে। ইয়াৰ উপৰিও শেহতীয়াকৈ অ’টিটিত মুক্তি পোৱা ছবি ফ্ৰেডীয়েও দৰ্শকৰ পৰা উৎকৃষ্ট সঁহাৰি লাভ কৰিছে। অহা বছৰ কাৰ্তিকক দেখা যাব শ্বেহজাদা, কেপ্তেইন ইণ্ডিয়া, আশিকী ২, সত্যপ্ৰেম কি কথা আৰু কবীৰ খানৰ এখন নাম প্ৰকাশ নোহোৱা ছবিত। এই কথা চাই বুজিব পাৰি যে ২০২৩ বৰ্ষটোও কাৰ্তিক আৰিয়ানৰ বাবে আশাৰে ভৰা হ’ব।
Continue Reading
