ডিজিটেল ডেস্কঃ সংসদত গেছ আক্ৰমণৰ ঘটনাকলৈ আজিও উত্তাল হৈ আছে সংসদ৷ আজিও বহু কেইগৰাকী সাংসদক প্ৰতিবাদ সাৱস্ত্য কৰাৰ বাবেই নিলম্বন কৰাৰ বিষয়কলৈ বিভিন্ন মহলত প্ৰতিক্ৰিয়াৰ সৃষ্টি হৈছে৷ লোকসভাৰ অধ্যক্ষ ওম বিৰলাই সোমবাৰে কংগ্ৰেছ আৰু তৃণমূল কংগ্ৰেছকে ধৰি কেইবাটাও দলৰ ৩১ জন বিৰোধী সাংসদক শীতকালীন অধিবেশনৰ শেষ দিনটোলৈকে নিলম্বন কৰিছে।
তালিকাখনত টিএমচিৰ নজন সাংসদ, কংগ্ৰেছ আৰু ডিএমকেৰো কেইবাজনো সাংসদ আছে। এই নিলম্বনৰ ঘটনাত বংগৰ মুখ্যমন্ত্ৰী মমতা বেনাৰ্জীয়ে প্ৰতিক্ৰিয়া ব্যক্ত কৰিছে৷ মমতাই কয় "যি চলি আছে সেয়া একেবাৰে বাঞ্ছনীয় নহয়। মই ভাগ্যৱান যে মই এতিয়া সাংসদ হৈ থকা নাই। "
উল্লেখ্য ১৩ মাৰ্চত দুজন লোকে লোকসভাত প্ৰৱেশ কৰি গেছ আক্ৰমণ চলাইছিল। আৰক্ষীয়ে এতিয়ালৈকে সাতজন লোকক গ্ৰেপ্তাৰ কৰিছে। নিৰাপত্তা উলংঘনৰ ঘটনাটোৰ তদন্ত চলি আছে।সংসদৰ অধিৱেশনৰ সময়তে সংসদৰ দুয়োখন সদনতে বিষয়টোকলৈ হুলস্থূল হৈ আছে৷ বিৰোধীয়ে নিৰাপত্তাৰ বিষয়ত গৃহমন্ত্ৰীৰ পৰা বিবৃতি দাবী কৰি আহিছে।
Continue Reading
