এটি শিশুৰ মহানুভৱতাই ছ’চিয়েল মিডিয়াত লাভ কৰিছে চৰ্চা৷ পিতৃ-মাতৃ আৰু ঘৰখনৰ পৰা পোৱা মানৱীয় প্ৰমূল্য আৰু নৈতিকতাৰ পাঠে শিশুমনক কিদৰে প্ৰভাৱিত কৰে, তাৰেই উমান পাব এই প্ৰতিবেদনত৷

Listen to Article

2 min read

80%

ডিজিটেল ডেস্ক: এটি শিশুৰ মহানুভৱতাই ছ’চিয়েল মিডিয়াত লাভ কৰিছে চৰ্চা৷ পিতৃ-মাতৃ আৰু ঘৰখনৰ পৰা পোৱা মানৱীয় প্ৰমূল্য আৰু নৈতিকতাৰ পাঠে শিশুমনক কিদৰে প্ৰভাৱিত কৰে, তাৰেই উমান পাব এই প্ৰতিবেদনত৷

এগৰাকী মহিলা৷ এখন ঘৰত তেওঁ কাম কৰি, ৰান্ধি-বাঢ়ি পৰিয়াল পোহপাল দিয়ে৷ ঘৰখনত আছে এটি শিশু৷ আৰু শিশুটোৰো তত্ত্বাৱধান কৰে মহিলাগৰাকীয়ে৷ শিশুটিৰ নাম অংকিত৷

অংকিতৰ শিশুটিৰ পিতৃয়ে ছ’চিয়েল মিডিয়া প্লেটফৰ্ম এক্সত এটা পোষ্ট লিখিছিল। এই পোষ্টটোত তেওঁ এনেকুৱা এটা কথা লিখিছিল, যিটো এতিয়া আলোচনাৰ বিষয় হৈ পৰিছে। এই শিশুটিক সকলো প্ৰকাৰে প্ৰশংসা কৰা হৈছে। প্ৰশংসাৰে ওপচাই দিছে নেটিজেনে৷

অংকিতৰ পিতৃ ভি বালাজীয়ে তেওঁৰ পুত্ৰ আৰু তেওঁলোকৰ ঘৰৰ ৰান্ধনীৰ ছবি শ্বেয়াৰ কৰি এই কাহিনীটো চিত্ৰিত কৰিছে।

এই ছবিখন ছ’চিয়েল মিডিয়াত ভাইৰেল হৈছিল আৰু ১৩ ডিচেম্বৰত ইনষ্টাগ্ৰামত শ্বেয়াৰ কৰা হৈছিল। এই ছবিখন শিশুটিৰ দেউতাকে শ্বেয়াৰ কৰিছিল আৰু তেওঁ লিখিছিল, ‘অংকিতে উইকেণ্ড টুৰ্ণামেণ্ট খেলি থাকোঁতে ৭ হাজাৰ টকা পুৰস্কাৰ হিচাপে লাভ কৰিছিল আৰু আজি সেই টকাৰে তেওঁ আমাৰ ঘৰৰ ৰান্ধনী সৰোজাৰ বাবে ২০০০ টকাৰ মোবাইল এটা কিনিলে। সৰোজাই আমাৰ ল’ৰাটো ছমাহ বয়সৰ পৰাই চোৱা-চিতা কৰি আহিছে।’

একাংশ ছ’চিয়েল মিডিয়া ব্যৱহাৰকাৰীয়ে শিশুটিয়ে গ্ৰহণ কৰা এনে অৰ্থপূৰ্ণ পদক্ষেপৰ বাবে অভিভাৱকক অভিনন্দন জনাইছে৷