ডিজিটেল ডেস্কঃ বহু ৰহস্যৰে পৰিপূৰ্ণ উত্তৰ পূবৰ প্ৰকৃতিত পুনৰ সন্ধান পোৱা গৈছে আন এক বিৰল প্ৰজাতিৰ প্ৰাণীৰ। শেহতীয়াকৈ মিজোৰামত সন্ধান পোৱা গৈছে এক ৰহস্যময় প্ৰজাতিৰ সৰীসৃপৰ, যিয়ে উৰিব পাৰে।ছ'চিয়েল মিডিয়াত ভাইৰেল হৈ পৰা এনে উৰিব পৰা সৰীসৃপৰ ছবিয়ে এতিয়া বহুতকে আচৰিত কৰি তুলিছে।
ভাৰতীয় বন সেৱাৰ বিষয়া পাৰবীন কাছৱানে এনে উৰিব পৰা সৰীসৃপৰ এখন ফটো শ্বেয়াৰ কৰিছে।ইণ্ডিয়ান ফৰেষ্ট ছাৰ্ভিচ (আইএফএছ)ৰ বিষয়া পাৰবীন কাছৱানে ১৭ মে'ত তেওঁৰ ছ'চিয়েল মিডিয়া প্লেটফৰ্ম টুইটাৰত এই প্ৰাণী বিধৰ ফটো শ্বেয়াৰ কৰিছে, যিটো দেখি মানুহ আচৰিত হৈছে।
পোষ্টটো শ্বেয়াৰ কৰি বিষয়াগৰাকীয়ে শিৰোনামটোত লিখিছে, 'ভাৰতৰ মিজোৰামত 'ফ্লাইং গেকো'ৰ এটা নতুন প্ৰজাতি আৱিষ্কাৰ হৈছে, যাক ৰাজ্যখনৰ নামেৰে গেক্কো মিজোৰামেনচিছ নাম দিয়া হৈছে। মিজোৰাম বিশ্ববিদ্যালয় আৰু মেক্স প্লেংক ইনষ্টিটিউট ফৰ বায়োলজীৰ গৱেষকসকলে এই সৰীসৃপবিধ আৱিষ্কাৰ কৰিছে।"
এই পোষ্টটো এতিয়ালৈকে ৩০ হাজাৰ লোকে চাইছে, আনহাতে ৮০০ৰো অধিক লোকে এই পোষ্টটো লাইক কৰিছে। একে সময়তে, পোষ্টটো দেখা লোকসকলে এই বিষয়ত বিভিন্ন প্ৰতিক্ৰিয়া প্ৰকাশ কৰিছে। অন্যান্য উৰণীয়া গেকোৰ দৰে নতুন প্ৰজাতি বিধ প্ৰায় ২০ চেমি দীঘল আৰু গছত বাস কৰে। এই প্ৰাণীবিধে এজোপা গছৰ পৰা আনজোপা গছলৈ উৰি যায় আৰু ৰাতি ইহঁতে বেছিকৈ উৰে।
Continue Reading
