ৰমজানৰ ৰোজাৰ সময়ত কেনেধৰণে নিজৰ স্বাস্থ্যৰ যত্ন লোৱা উচিত, জানো আহক

ডিজিটেল ডেস্ক : ৰমজানৰ ৰোজাৰ সময়ত প্ৰতিদিনে প্ৰায় ১৪ৰ পৰা ১৫ ঘণ্টা অৰ্থাৎ পুৱাৰ পৰা সন্ধিয়ালৈকে একো খোৱা নহয়। এনে পৰিস্থিতিত খাদ্য গ্ৰহণৰ সময় হঠাতে সলনি হোৱাৰ ফলত বহু লোকে স্বাস্থ্য সম্পৰ্কীয় বহুতো সমস্যাৰ সন্মুখীন হ’বলগীয়া হয়।

উল্লেখ্য যে ইছলামিক কেলেণ্ডাৰৰ নৱম মাহটোত ইছলামধৰ্মী লোকসকলে ৰোজা পালন কৰে। ইছলাম ধৰ্মাৱলম্বীসকলৰ বাবে এই মাহটো অতি পৱিত্ৰ বুলি গণ্য কৰা হয়। ৰমজানৰ দিনত প্ৰতিদিনে ৰোজা পালন কৰা হয় আৰু ছেহৰীৰ পৰা গধূলি ইফটাৰলৈকে প্ৰায় ১৪ৰ পৰা ১৫ ঘন্টা সময় ধৰি একো খোৱা নহয়। এনে সময়ত বহু লোকে স্বাস্থ্য সম্পৰ্কীয় সমস্যাৰ সন্মুখীন হ’বলগীয়া হয়। আজি আমি এনে কিছু কথা জানিম, যাৰ দ্বাৰা ৰোজাৰ সময়ত নিজকে সুস্থ কৰি ৰাখিব পাৰি।

১. অধিক পানী খাব:-ইফটাৰৰ পৰা ছেহৰিৰ মাজৰ সময়খিনিত সাধাৰণ দিনত অধিক পৰিমাণৰ পানী খোৱা উচিত। ইয়াৰ উপৰি ৰমজানত প্ৰতিদিনে ৭-৮ গিলাচ পানী খোৱা উচিত। ইয়াৰ দ্বাৰা আপুনি মূৰৰ বিষৰ দৰে আন সমস্যাৰ পৰা হাত সাৰিব পাৰে।

২. ছেহৰী আৰু ইফটাৰ দুয়োটা সময়তে খাদ্য খোৱা উচিত। বহু লোকে ইফটাৰীৰ সময়ত খায়, কিন্তু ছেহৰীৰ সময়ত খাব নোৱাৰে, কাৰণ তেওঁলোকে পুৱা সোনকালে খোৱাত অভ্যস্ত নহয়। কিন্তু পুৱা নাখালে গোটেই দিনটো সতেজ তথা দুৰ্বল নহয়।

৩. সন্ধিয়া বেছিকৈ খোৱা অনুচিতঃ-সাধাৰণতে খেজুৰ, পানী আৰু ফলমূলেৰে ৰোজা ভংগ কৰা হয়। আৰম্ভণিতে লাহে লাহে খাব লাগে। একেলগে বেছিকৈ খালে পেটৰ সমস্যা হ’ব পাৰে।