ডিজিটেল ডেস্কঃ এইবাৰ মল্লযুঁজাৰুসকলৰ সমৰ্থনত ঠিয় হৈছে৷দিল্লীত প্ৰতিবাদকাৰী মল্লযুঁজাৰুসকলৰ সৈতে সংহতিৰে কলকাতাত অনুষ্ঠিত তৃণমূল কংগ্ৰেছৰ পদযাত্ৰাত যোগদান কৰি পশ্চিম বংগৰ মুখ্যমন্ত্ৰী মমতা বেনাৰ্জীয়ে কয় যে আমি আমাৰ মল্লযুঁজাৰুসকলৰ বাবে গৌৰৱান্বিত। নাবালিকাকে ধৰি কেইবাগৰাকীও মহিলা মল্লযুঁজাৰুক যৌন নিৰ্যাতন চলোৱাৰ অভিযোগত মল্লযোদ্ধাসকলে মল্লযুঁজ ফেডাৰেচনৰ মুৰব্বী ব্রীজ ভূষণ শৰণ সিঙৰ বিৰুদ্ধে প্ৰতিবাদ সাব্যস্ত কৰিছে।
বংগৰ মুখ্যমন্ত্ৰীগৰাকীয়ে লগতে কয় যে কেন্দ্ৰৰ বিজেপি চৰকাৰে ব্রীজ ভূষণক গ্ৰেপ্তাৰ কৰা নাই কাৰণ তেওঁ বিজেপিৰ নেতা৷ মমতাই কয় যে মল্লযুঁজাৰুসকল হৰিদ্বাৰলৈ যোৱাটো দেশৰ বাবে লজ্জাজনক, কিন্তু তথাপিও দোষীক গ্ৰেপ্তাৰ কৰা নহ’ল।
সাক্ষী মালিক, বজৰং পুনিয়া, বিনেশ ফোগাটকে ধৰি প্ৰতিবাদকাৰী মল্লযুঁজাৰুসকলে মঙলবাৰে হৰিদ্বাৰৰ হৰ কি পৌৰীলৈ গৈ প্ৰতিবাদৰ অংশ হিচাপে গংগা নদীত পদক বিসৰ্জন দিবলৈ উদ্যত হয়৷
মমতা বেনাৰ্জীয়ে কয় যে ডব্লিউ এফ আইৰ পূৰ্ব মুৰব্বীগৰাকীক গ্ৰেপ্তাৰ কৰাৰ দাবীত টি এম চিয়ে প্ৰতিবাদ অব্যাহত ৰাখিব। মল্লযুঁজাৰুসকলৰ ন্যায়ৰ দাবীত ১ জুন বৃহস্পতিবাৰে কেণ্ডেল মাৰ্চ অনুষ্ঠিত কৰা হ’ব বুলিও কয়।
Continue Reading
