ডিজিটেল ডেস্কঃ ঋণে যেন ডিঙিলৈকে পুতি পেলাইছিল লোক জনক। ঋণ ওভতাই বিচাৰি হেঁচা দিয়া লোকৰো সংখ্যা দিনক দিনে বাঢ়ি গৈছিল। পৰিস্থিতি নিয়ন্ত্ৰণ কৰিব নোৱাৰি অৱশেষত ঋণগ্ৰস্ত পিতৃয়ে তেওঁৰ তিনিটা সন্তানক জ্বলাই হত্যা কৰিলে। তাৰ পিছত তেওঁ নিজেও আত্মহত্যাৰ চেষ্টা চলায় যদিও তেওঁৰ প্ৰাণ ৰক্ষা পৰে। ঘটনাটো বিহাৰৰ কাটিহাৰ জিলাত সংঘটিত হৈছে। ইতিমধ্যে লোক জনৰ তিনিওটা সন্তানৰে মৃত্যু ঘটিছে। পিতৃ এতিয়া চিকিৎসালয়ত চিকিৎসাধীন হৈ আছে।
ঘটনাটো বিহাৰৰ কাটিহাৰ জিলাৰ ভাৰিন গাঁৱত সংঘটিত হৈছে। দীনেশ সিঙৰ তিনিটা সন্তান আছিল। লোকজন ঋণৰ বোজাত ভাৰাক্ৰান্ত হৈছিল। ঋণ পৰিশোধ কৰিবলৈ অক্ষম হৈ পৰিছিল তেওঁ। অৱশেষত দীনেশে চৰম সিদ্ধান্ত লৈছিল। প্ৰথমে তেওঁ তিনিটা সন্তানৰ ওপৰত পেট্ৰ'ল ঢালি দিছিল আৰু জুই লগাই দিছিল। পিছত তেঁৱো আত্মহত্যা কৰিবলৈ চেষ্টা কৰিছিল। ৰিঙ্কি কুমাৰী (৯) আৰু ৰাজা কুমাৰ (১২) নামৰ দুটি শিশুৰ ঘৰতে মৃত্যু হয়। শুভংকৰ কুমাৰক (১৩) এখন চিকিৎসালয়লৈ লৈ যোৱা হৈছিল যদিও বাটতে তেওঁৰো মৃত্যু ঘটে।
আৰক্ষী অধীক্ষক জীতেন্দ্ৰ কুমাৰে কয়, "প্ৰাথমিক অনুসন্ধানত প্ৰকাশ পাইছে যে দীনেশ সিং ঋণত ডুব গৈ আছিল আৰু তেওঁ মানসিকভাবে হতাশাত ভুগি আছিল। প্ৰথমে, তেওঁ তিনিটা শিশুৰ ওপৰত পেট্ৰ'ল ঢালি দিছিল আৰু তেওঁলোকৰ দেহত জুই লগাই দিছিল। পিছত তেওঁ আত্মহত্যা কৰিবলৈ চেষ্টা কৰিছিল। ঘটনাস্থলীতে দুটি শিশুৰ মৃত্যু হয়। চিকিৎসালয়লৈ নিয়াৰ পথত আন এটা শিশুৰ মৃত্যু হয়। ’’
Continue Reading
