ডিজিটেল ডেস্কঃ চুবুৰীয়া ৰাজ্য মণিপুৰত ড্ৰাগছৰ বিৰুদ্ধে অভিযান চলাই বৃহৎ সফলতা লাভ কৰিছে নিৰাপত্তা বাহিনীয়ে। গোপন তথ্যৰ ভিত্তিত মণিপুৰ আৰক্ষী আৰু অসম ৰাইফলছে চলাইছিল যৌথ অভিযান। এই অভিযানত সোমবাৰে ৯০ হাজাৰ নিচাজাতীয় WY টেবলেট জব্দ কৰা হৈছে।
জিৰিবাম-তামেংলং জিলাৰ সীমান্তৰ ফাইটোল গাঁৱত অভিযান চলাই জব্দ কৰে এই বুজন পৰিমাণৰ টেবলেটখিনি। জব্দ কৰা টেবলেটৰ ওজন ৪.৫৪০ কিলোগ্ৰাম।
আন্তৰ্জাতিক বজাৰত জব্দকৃত এই টেবলেটখিনিৰ মুল্য প্ৰায় ১৩ কোটি টকা বুলি দাবী কৰিছে অসম ৰাইফলছে। টেবলেট সমুহ ম্যানমাৰৰ পৰা মণিপুৰৰ মাজেৰে বহিঃৰাজ্যলৈ সৰবৰাহৰ পৰিকল্পনা কৰা হৈছিল বুলি সন্দেহ কৰা হৈছে।
এই সংক্ৰান্তত টৌচেম থানাত এটা গোচৰ ৰুজু কৰি তদন্ত অব্যাহত ৰখা হৈছে।
ড্ৰাগছ তথা নিচাজাতীয় সামগ্ৰীৰ ব্যাপক প্ৰসাৰে চিন্তাত পেলাইছে সচেতন মহলক।
Continue Reading
