ডিজিটেল ডেস্কঃ মণিপুৰত দুগৰাকী কুকি মহিলাক উলংগ কৰি পেৰে. কৰোৱাৰ ঘটনাই তীব্ৰ প্ৰতিক্ৰিয়াৰ সৃষ্টি কৰি থকাৰ সময়তে ভাইৰেল হৈছেআন এখন ভয়ংকৰ ছবি। এই ছবি খনে বহুতৰে হূদয় জোকাৰি যোৱাই নহয়, মানৱতাৰ ওপৰত এতিয়া যেন বহুতে বিশ্বাস হেৰুৱাই পেলাইছে।
মণিপুৰত দুগৰাকী কুকি মহিলাক উলংগ কৰি পেৰেড কৰোৱাকলৈ দেশজুৰি প্ৰতিক্ৰিয়া হৈছে। ইয়াৰ মাজতে শেহতীয়াকৈ ভাইৰেল হোৱা ছবি খনত এজন লোকৰ কটা মূৰটও তেওঁৰ ঘৰৰেই পদুলীৰ জপনাত আঁৰি থোৱা দেখা গৈছে। মে’ মাহত চুৰাচান্দপুৰৰ লাংজা গাঁৱৰ এজন কুকি স্বেচ্ছাসেৱক ডেভিদ থিকক মেইটেই সম্প্ৰদায়ৰ একাংশ লোকে হত্যা কৰি তেওঁৰ ডিঙি কাটি মূৰটো বেষ্টনীত জপনা মুখত আঁৰি ৰাখিছিল বুলি অভিযোগ উঠিছে।
এই ছবি খনৰ কথা বহু পলমকৈ পোহৰলৈ আহিছে। আনকি কোনো সংবাদমাধ্যমেই প্ৰকাশ কৰা নাছিল। এতিয়া ভাইৰেল ভিডিঅ’ৰ প্ৰসংগই দেশ উত্তাল কৰাৰ সময়তে এই ছবি খনৰ কথাও পোহৰলৈ আহিছে।
Continue Reading
