ডিজিটেল ডেস্কঃ মণিপুৰৰ জোঁৱাই হ’ব বলীউডৰ জনপ্ৰিয় অভিনেতা ৰণদীপ হুদা। ৰণদীপ হুদা আৰু মণিপুৰী মডেল তথা অভিনেত্ৰী লিন লাইশ্ৰমে বিবাহৰ বাবে ইম্ফলত উপস্থিত হৈছে।
সোমবাৰে ইম্ফলৰ এটা মন্দিৰত পূজা কৰে ৰণদীপ আৰু লিন লাইশ্ৰমে। সংবাদ মাধ্যমৰ প্ৰশ্নৰ উত্তৰ দি ৰনদীপ হুডাই কয়- “মই এটা উন্নত ভৱিষ্যতৰ বাবে মন্দিৰত প্ৰাৰ্থনা কৰিলোঁ। মণিপুৰৰ শান্তিৰ বাবে প্ৰাৰ্থনা কৰিলোঁ আৰু সমগ্ৰ বিশ্বৰ শান্তিৰ বাবে প্ৰাৰ্থনা কৰিলোঁ। মই ভগৱানক এটা উন্নত বিবাহিত জীৱন বিচাৰিছো।”
যেতিয়া সাংবাদিকসকলে তেওঁক সুধিছিল যে “আপুনি বিবাহক লৈ নাৰ্ভাছ নেকি?” এই প্ৰশ্নটোৰ ওপৰত তেওঁ ক’লে- “হয়, এনে সময়ত সকলোৱে নাৰ্ভাছ হৈ থাকে।”
২৯ নৱেম্বৰত ৰণদ্বীপ আৰু লিন লায়শ্ৰম বিবাহপাশত আৱদ্ধ হ’ব। মণিপুৰত অনুষ্ঠিত হ’ব এই বিবাহ অনুষ্ঠান।
লিন লাইশ্ৰমে ‘ৰেংগুন’ আৰু ‘জানে জান’ৰ দৰে ছবিত কাম কৰি আহিছে। আনহাতে ৰনদীপ হুদা ‘হাইৱে’, ‘লাভ আজ কাল ২’, ‘চুলতান’কে ধৰি বহু ছবিত বলিষ্ঠ অভিনয়ৰ বাবে সৰ্বজন পৰিচিত।
ৰণদীপ হুদা আৰু লিন লায়শ্ৰম বিগত তিনি বছৰ ধৰি সম্পৰ্কত আছে।
Continue Reading
