ডিজিটেল ডেস্কঃ ছ’চিয়েল মিডিয়াৰ ছেন্সেশন অৰহান অৱত্ৰামণি ওৰফে অৰীয়ে বিগ বছ ১৭ত প্ৰৱেশ কৰিছিল। এদিনৰ বাবে শ্ব’টোলৈ আহিছিল যদিও তেওঁৰ প্ৰৱেশে আলোড়নৰ সৃষ্টি কৰিছিল। শ্ব’টো যথেষ্ট মজাৰ হৈ উঠিছিল। ছলমান খানৰ সৈতে অৰীক দেখি সকলোৱে ভাল পাইছিল। ইয়াত অৰীয়ে অনুৰাগীৰ বহু প্ৰশ্নৰ উত্তৰো দিলে।
ছলমান খানে মঞ্চত অৰীক বহু ক্লিপ দেখুৱাইছিল, যিবোৰ অনলাইনত শ্বেয়াৰ কৰা হৈছিল। ছলমানে অৰীক সুধিলে যে ''আপুনি কি কৰে সকলোৱে জানিব বিচাৰে। ইয়াৰ পিছত অৰীয়ে ক’লে যে ''মোৰ ৫ জন মেনেজাৰ আছে। মই পাৰ্টীলৈ যোৱাৰ বাবে কাকো টকা দিব নালাগে, বৰঞ্চ পাৰ্টিত তাৰকাসকলৰ সৈতে পোজ দিয়াৰ বাবে আৰু ফটোসমূহ ছ’চিয়েল মিডিয়াত পোষ্ট কৰাৰ বাবে মইহে টকা পাওঁ৷''
পাৰ্টিত তাৰকাৰ সৈতে পোজ দিয়াৰ লগতে ফটো শ্বেয়াৰ কৰাৰ বাবে ২০ৰ পৰা ৩০ লাখ টকা লোৱা বুলিও অৰীয়ে কয়। অৰীয়ে কয়- ''মানুহে মোক পাৰ্টীলৈ নিমন্ত্ৰণ কৰি পৰিয়াল আৰু সন্তানৰ সৈতে পোজ দিবলৈ কয়। মই তেওঁলোকৰ লগত পোজ দিওঁ আৰু ছ’চিয়েল মিডিয়াত ফটো পোষ্ট কৰো। ইয়াৰ বাবে মই ২০ৰ পৰা ৩০ লাখ টকা লওঁ।'' এই কথা শুনি ছলমান স্তম্ভিত হৈ পৰে। ছলমানে নিজকে কয়- ''অলপ শিক্ষা লোৱা ছলমান, পৃথিৱী ক'ৰ পৰা কলৈ গুচি গ'ল৷''
Continue Reading
