ডিজিটেল ডেস্কঃ মেইটেই আৰু কুকি জনগোষ্ঠীৰ মাজত দীৰ্ঘদিনীয়া জাতিগত সংঘৰ্ষৰ মাজতে মণিপুৰত সংঘটিত হোৱা ভয়ানক ঘটনা সন্দৰ্ভত মানৱ অধিকাৰ কৰ্মী ইৰম শৰ্মিলা চানুৱে মুখ খুলিছে।
দুগৰাকী মহিলাক উলংগ হৈ পেৰেড কৰা কাণ্ডটোক লৈ দুখ অনুভৱ কৰিছে শৰ্মিলাই। কয় যে কেন্দ্ৰই সঠিক সময়ত হস্তক্ষেপ কৰিলে সেয়া নহ’লহেঁতেন।
এনডিটিভি নিউজ চেনেলৰ প্ৰতিবেদন অনুসৰি শৰ্মিলাই কয় যে, “মই অজ্ঞান আৰু বিচলিত অনুভৱ কৰিছো।” তেওঁ লগতে কয় যে ই কোনো বিশেষ সম্প্ৰদায়ৰ বিষয় নহয়, বৰঞ্চ এক অমানৱীয় কাণ্ড। ইয়াৰ উপৰিও শৰ্মিলাই কয় যে অভিযুক্তক পেৰ’ল অবিহনে যাৱজ্জীৱন কাৰাদণ্ডৰ শাস্তি দিব লাগিব।
ইংৰাজী দৈনিক কাকত 'ইণ্ডিয়ান এক্সপ্ৰেছ’ত শৰ্মিলাই লিখিছে- "তিনি মাহৰ আগতে হিংসা আৰম্ভ হোৱাৰ পৰাই মই বৰ্তমান বাস কৰা বেংগালুৰুৰ মণিপুৰৰ খবৰবোৰ লক্ষ্য কৰি আহিছো। সংঘাতৰ কথা প্ৰথম শুনি মই আচৰিত হোৱা নাছিলো। মণিপুৰ এখন বহুজাতিক, বহুসংস্কৃতিৰ সমাজ। ৰাজ্যখনৰ বিভিন্ন সম্প্ৰদায়ৰ মাজত পাৰ্থক্য গভীৰ আৰু বহু দিনৰ পৰাই আছে"।
ইয়াৰ বাবে কেন্দ্ৰীয় চৰকাৰক দোষাৰোপ কৰে তেওঁ। লিখে- "চৰকাৰে মণিপুৰত বা জনগোষ্ঠীৰ মাজত সংঘাত সমাধানৰ বাবে কেতিয়াও প্ৰকৃততে চেষ্টা কৰা নাই। আমি বিষয়টোক বহুত বেছি সংবেদনশীলভাৱে চাব লাগিব — অনুপ্ৰৱেশকাৰীসকলৰ লগত মানৱীয় ব্যৱহাৰ কৰাটো প্ৰয়োজন। কেন্দ্ৰীয় আৰু ৰাজ্য চৰকাৰে অনুপ্ৰৱেশকাৰী বিষয়টো বহুত ভালকৈ মোকাবিলা কৰিব লাগিছিল।’’
Continue Reading
