ডিজিটেল ডেস্কঃ ভাৰতীয় মল্লযুঁজ ফেডাৰেচনৰ বিদায়ী সভাপতি ব্রিজ ভূষণ শৰণ সিঙে শনিবাৰে মণিপুৰৰ ভাইৰেল ভিডিঅ’টোৰ লৈ প্ৰতিক্ৰিয়া প্ৰকাশ কৰিছে। দুগৰাকী কুকি মহিলাক পুৰুষৰ দলে কাপোৰ খুলি যৌন নিৰ্যাতন চলোৱাৰ দৃশ্যক ‘দুখজনক’ বুলি অভিহিত কৰে তেওঁ।
সংবাদ সংস্থা এএনআইৰ সৈতে হোৱা কথা-বতৰাত তেওঁ বিৰোধী শাসিত (ক্ৰমে কংগ্ৰেছ আৰু টিএমচি) ৰাজ্য ৰাজস্থান আৰু পশ্চিম বংগত সংঘটিত একেধৰণৰ ঘটনাৰ কথা উল্লেখ কৰে আৰু প্ৰধানমন্ত্ৰী নৰেন্দ্ৰ মোদীয়ে মণিপুৰৰ বিষয়ে ব্যৱস্থা ল’ব বুলি কয়।
‘ৰাজস্থান আৰু পশ্চিম বংগতো ঘটনা সংঘটিত হৈছিল। বহু মানুহৰ মৃত্যু হৈছিল নিৰ্বাচনৰ সময়ত... মণিপুৰৰ পৰিস্থিতি কঠিন আছিল। এইটো এটা অতি দুখজনক ঘটনা যিটো স্বাধীন ভাৰতত ঘটিছে। প্ৰধানমন্ত্ৰীয়ে বিষয়টোৰ প্ৰতি লক্ষ্য ৰাখিছে। এই বিষয়ে তেওঁ মন্তব্যও কৰিছে..." সিঙে কয়।
উল্লেখযোগ্য যে বৃহস্পতিবাৰে বিজেপি সাংসদগৰাকীৰ বিৰুদ্ধে ছয়গৰাকী মহিলা মল্লযুঁজাৰুৱে দাখিল কৰা যৌন নিৰ্যাতনৰ অভিযোগত জামিন লাভ কৰে।
Continue Reading
