ডিজিটেল ডেস্কঃ যোৱা কেইবছৰমানৰ পৰা বাৰে বাৰে অভিযোগ উত্থাপন হৈছে যে এই দেশত সাম্প্ৰদায়িক হিংসাৰ সংখ্যা বৃদ্ধি পাইছে। অভিযোগ কৰা হৈছে যে ‘লাভ জেহাদ’ বৃদ্ধি পাইছে। তাৰ ছাঁ বৰ্তমান পাটনাৰ সিনহা পৰিয়ালত পৰিছে। অভিনেতা তথা সাংসদ শত্ৰুঘন সিনহাৰ কন্যা অভিনেত্ৰী সোনাক্ষী সিনহাই শেহতীয়াকৈ মুছলমান জাহিৰ ইকবালৰ সৈতে বিবাহপাশত আবদ্ধ হয়। বিবাহৰ ঘোষণাৰ পিছতে অভিনেত্ৰীগৰাকীৰ লগতে তেওঁৰ পৰিয়ালে বিভিন্ন পক্ষৰ সমালোচনাৰ সন্মুখীন হ’বলগীয়া হয়।
বিয়াৰ পিছতে ‘লাভ জেহাদ’ৰ ধূলি উঠাই পাটনাত এটা দলে প্ৰতিবাদ কৰিবলৈ আৰম্ভ কৰে। ইয়াৰ পিছত শত্ৰুঘ্নৰ স্পষ্ট উত্তৰ, "মোৰ ছোৱালীয়ে যিয়েই নকৰক দেশৰ সংবিধান মানি চলিছে৷ মাইণ্ড ইউৰ অউন বিজনেছ।''
পাটনাৰ হিন্দু শিৱ ভৱনী সেনাই সোণাক্ষীৰ বিবাহক লৈ অসন্তুষ্টি প্ৰকাশ কৰিছে। পাটনা চহৰত দেখা গৈছে প্ৰতিবাদ। অভিনেত্ৰীগৰাকীৰ বিবাহক ‘লাভ জেহাদ’ হিচাপে চিহ্নিত কৰা হৈছে। সোণাক্ষীৰ বিবাহক লৈও ক্ষুব্ধ নেটিজেনৰ এটা অংশ।
এইবাৰ গৃহ চহৰ পাটনাত কন্যা সোনাক্ষীক লৈ সমালোচকক কঠোৰ উত্তৰ দিলে অভিনেতাগৰাকীয়ে। তেওঁ ক'লে, "মোৰ ছোৱালীয়ে একো ভুল কৰা নাই। তেওঁ যি কৰিছে সেয়া সংবিধান অনুযায়ী কৰিছে। যিসকলে এই সকলোবোৰ কৰি আছে তেওঁলোকৰ নিজৰ কোনো জীৱন নাই। জীৱনত বাস্তৱ কিবা এটা কৰক। ইয়াতকৈ বেছি নকওঁ।’’
Continue Reading
