মোচ থকা এগৰাকী স্বাভিমানী মহিলা! ক'লে-'মানুহে যিমান ঠাট্টা কৰিলেও মই মোচ নাকাটো'

মোচ থকা এইগৰাকী মহিলাৰ নাম শ্বায়জা। তেওঁ কেৰেলাৰ কান্নুৰৰ বাসিন্দা। ৩৫ বছৰীয়া শ্বায়জা তেওঁৰ মোচৰ বাবে বহু বাৰ ঠাট্টা-মস্কৰাৰ বলি হৈছে যদিও তেওঁ মোচ নাকাটে বুলি দৃঢ়প্ৰতিজ্ঞ। শ্বাইজাই কয় যে, "মই মোচ থাকিলে ভাল পাওঁ, গতিকে মই সেইবোৰ কাটিব নিদিওঁ।"

বহু মহিলাৰ দৰে শ্বায়জাৰ মুখত চুলি বেছি আছিল। তেওঁ নিয়মিতভাৱে থ্ৰেডিং কৰিছিল যদিও ওপৰৰ ওঁঠৰ চুলি বা নোম আঁতৰোৱাৰ প্ৰয়োজন কেতিয়াও অনুভৱ কৰা নাছিল। প্ৰায় পাঁচ বছৰ আগতে তেওঁৰ মোচৰ চুলিবোৰ ডাঠ হ’বলৈ ধৰিলে। শ্বায়জাই এতিয়া মোচ নোহোৱাকৈ জীয়াই থকাৰ কথা কল্পনাও নকৰে।

শ্বাইজাই কয়, বহুতে মোক মোচ কাটিবলৈ কৈছিল কিন্তু মই নাকাটো। মই ধুনীয়া নহয় বুলিও কেতিয়াও অনুভৱ কৰা নাই। মোচৰ কাৰণে মোৰ কেতিয়াও একো অসুবিধা হোৱা নাই। মোচৰ কাৰণেই হয়তো মই আন মহিলাতকৈ ব্যতিক্ৰম। সেয়ে মই কেতিয়াও মোচ নাকাটো।

উল্লেখ্য যে শ্বাইজাৰ মুখত মোচ থকাক লৈ তেওঁৰ পৰিয়ালৰো কোনো আপত্তি নাই।

শ্বাইজাই লগতে কয়, ''মোৰ দুটা জীৱন থাকিলে মই আনৰ বাবে এটা জীৱন কটাব পাৰিলোহেঁতেন। এতিয়ালৈকে মোৰ ৬ টা অস্ত্ৰোপচাৰ হৈছে। যোৱা কেইবছৰমানৰ আগত স্তনত থকা এটা গোটা বস্তু আঁতৰোৱাৰ বাবে অস্ত্ৰোপচাৰ কৰা হৈছিল আৰু তাৰ পিছত ডিম্বাশয়ৰ পৰা চিষ্টটো আঁতৰোৱাৰ বাবে অস্ত্ৰোপচাৰ কৰা হৈছিল। মোৰ শেষৰটো অস্ত্ৰোপচাৰ আছিল পাঁচ বছৰ আগতে কৰা হিষ্টেৰেকটমী। যেতিয়াই মোৰ কোনো অস্ত্ৰোপচাৰ হৈছিল তেতিয়াই মই ভাবিছিলোঁ যে এয়া মোৰ শেষ অস্ত্ৰোপচাৰ আৰু তাৰ পিছত মই কেতিয়াও অপাৰেচন থিয়েটাৰলৈ যাব নালাগিব। ইমানবোৰ অস্ত্ৰোপচাৰৰ পিছত মই আত্মবিশ্বাস লাভ কৰিলোঁ আৰু ভাবিলোঁ যে মই এনে এটা জীৱন যাপন কৰা উচিত যিয়ে মোক সুখী কৰে। মোৰ মোচে মোক যিহেতু একো অসুবিধা দিয়া নাই সেয়ে মই ইহঁতক কটাৰ কথা কেতিয়াও ভবা নাই। মই যেনেকুৱা...তেনেকুৱাকৈয়ে মই সুখী।''