ডিজিটেল ডেস্ক: প্ৰধানমন্ত্ৰী মোদীৰ বিৰুদ্ধে ধাৰাবাহিক আক্ৰমণ অব্যাহত ৰাখিছে অৰবিন্দ কেজৰিৱালে। প্ৰধানমন্ত্ৰী মোদীৰ শিক্ষাগত অৰ্হতাক লৈ প্ৰশ্ন তুলিছে কেজৰিৱালে৷ কালি দিল্লীৰ বিধানসভাত শিক্ষাগত অৰ্হতাক লৈ প্ৰধানমন্ত্ৰীক ক্ষুৰধাৰ সমালোচনা কৰে দিল্লীৰ মুখ্যমন্ত্ৰীগৰাকীয়ে।
লক্ষ্যণীয়ভাৱে ইয়াৰ এদিন পাছতেই দিল্লীৰ বাটে-পথে দেখা গ’ল বিশেষ প’ষ্টাৰ। দেশৰ প্ৰধানমন্ত্ৰীগৰাকী শিক্ষিত হ’ব লাগে নে নালাগে? এই প্ৰশ্ন উত্থাপন কৰি প’ষ্টাৰ আঁৰি দিয়া দেখা গ’ল দিল্লীৰ ৰাজপথত। ইয়াৰ পূৰ্বে মোদী হাটাও, দেশ বাচাও এই শ্ল’গানেৰে প’ষ্টাৰ আঁৰিছিল কোনো অজ্ঞাত লোকে।
ঘটনাৰ আঁৰত আম আদমী পাৰ্টী জড়িত থকাৰ অভিযোগ উত্থাপন কৰিছিল বিজেপিয়ে। সেই ঘটনাৰ প্ৰতিক্ৰিয়া স্বৰূপে এদিন পাছত অৰবিন্দ কেজৰিৱালৰ বিৰুদ্ধেও প’ষ্টাৰ আঁৰিছিল একাংশ বিজেপি কৰ্মীয়ে। এই ঘটনাৰ প্ৰতিক্ৰিয়া মাৰ নৌযাওঁতেই এইবাৰ প্ৰধানমন্ত্ৰীৰ শিক্ষাগত অৰ্হতাক লৈ দিল্লীৰ ৰাজপথত দেখা গ’ল প’ষ্টাৰ।
উল্লেখ্য যে বিগত দিনকেইটাত আম আদমী পাৰ্টীৰ ৰাষ্ট্রীয় সমন্বয়ক অৰবিন্দ কেজৰিৱাল আক্ৰমণাত্মক হৈ পৰিছে নৰেন্দ্ৰ মোদীৰ বিৰুদ্ধে। এই ক্ষেত্ৰত কেজৰিৱালে বাচি লৈছে প্ৰধানমন্ত্ৰী মোদীৰ শিক্ষাগত অৰ্হতাক।
Continue Reading
