ডিজিটেল ডেস্কঃ প্ৰধানমন্ত্ৰী নৰেন্দ্ৰ মোদীয়ে দেশৰ অৰ্থনীতি পৰিচালনা কৰাত “ব্যৰ্থ” হোৱাৰ বাবে ২০২৪ চনত প্ৰধানমন্ত্ৰীৰ দৌৰত অংশগ্ৰহণ কৰা উচিত নহয়। মোদীৰ গৃহৰাজ্য গুজৰাটৰ বদোদৰাত বিজেপি নেতা সুব্ৰমণিয়াম স্বামীয়ে শনিবাৰে এইদৰে কয়।
গুজৰাটৰ বদোদৰাৰ পাৰুল বিশ্ববিদ্যালয়ত স্বামীয়ে কয়- ''মই বিশ্বাস কৰো যে দেশৰ অৰ্থনীতি নিয়ন্ত্ৰণ কৰাত ব্যৰ্থ হোৱাৰ বাবে মোদীয়ে প্রধানমন্ত্ৰীৰ দৌৰত অংশগ্ৰহণ কৰা উচিত নহয়। মোদী বিগ জিৰ’।’’
তদুপৰি চীনে ভাৰতৰ অংশ দখল কৰাৰ সন্দৰ্ভত মোদীৰ নীৰৱতাক লৈও তেওঁ প্ৰশ্ন উত্থাপন কৰে- ''প্ৰায় ৪০২৪ বৰ্গ কিলোমিটাৰ অঞ্চল চীনে দখল কৰি আছে কিন্তু মোদী নীৰৱ হৈ আছে। আনকি আমেৰিকা যুক্তৰাষ্ট্ৰলৈ যাওঁতেও তেওঁ এই বিষয়ে একো নক’লে। কিয়?’’
আনহাতে, মহাৰাষ্ট্ৰৰ একনাথ সিন্দে শিবিৰৰ শিৱসেনাৰ বিধায়কসকলে অতিশ্ৰীঘ্ৰে পুনৰ ঠাকৰে শিবিৰলৈ প্ৰত্যাৱৰ্তন কৰিব বুলি তেওঁ ভৱিষ্যদ্বাণী কৰে। মণিপুৰ সংঘৰ্ষক লৈও তেওঁ মন্তব্য কৰে। কয় যে মোদীয়ে সংঘাতজৰ্জৰ ৰাজ্যখনলৈ গৈ জনতাৰ বুজ লোৱাটো কৰ্তব্য।
Continue Reading
