মোদী কেবিনেটৰ ৯ জন মন্ত্ৰীৰ সমাপ্ত হ’ব ৰাজ্যসভাৰ কাৰ্যকাল ; নড্ডাৰ বাব নীতি সলাবনে বিজেপিয়ে?

ৰাজ্যসভাৰ মুঠ ৫৬ গৰাকী সাংসদৰ কাৰ্যকাল অহা এপ্ৰিলৰ ভিতৰত শেষ হ’বলৈ গৈ আছে। ইয়াৰ ভিতৰত আছে প্ৰাক্তন প্ৰধানমন্ত্ৰী মনমোহন সিং, লগতে মোদী মন্ত্ৰীসভাৰ ৰে’ল মন্ত্ৰী অশ্বিনী বৈষ্ণৱ, স্বাস্থ্যমন্ত্ৰী মানসুখ মাণ্ডবিয়া, শিক্ষামন্ত্ৰী ধৰ্মেন্দ্ৰ প্ৰধান, পৰিবেশ মন্ত্ৰী ভূপেন্দ্ৰ যাদৱ। ইয়াৰ ভিতৰত ভূপেন্দ্ৰ যাদৱ, ধৰ্মেন্দ্ৰ প্ৰধান, মানসুখ মাণ্ডবিয়াই ৰাজ্যসভাত দুটা কাৰ্যকাল সম্পূৰ্ণ কৰিবলৈ ওলাইছে। সাধাৰণতে বিজেপিয়ে ৰাজ্যসভাৰ বাবে কোনো নেতাক দুবাৰতকৈ বেছি প্ৰক্ষেপ নকৰে (ব্যতিক্ৰম, অৰুণ জেটলী, ৰবিশংকৰ প্ৰসাদ)। গতিকে সূত্ৰ অনুসৰি সেই কেবিনেট সদস্যসকলক আগন্তুক লোকসভাত প্ৰতিদ্বন্দ্বিতা কৰিবলৈ আগতীয়াকৈ সাজু হৈ থাকিবলৈ কৈছে দলটোৱে। বিজেপিৰ সূত্ৰ অনুসৰি, ইয়াৰ ভিতৰত ভাৱনগৰৰ মানসুখ মাণ্ডবিয়া, উত্তৰ গুজৰাটৰ পৰা প্ৰতিদ্বন্দ্বিতা কৰিব পাৰে আন এজন কেন্দ্ৰীয় মন্ত্ৰী পুৰুষোত্তম ৰূপালে। ধৰ্মেন্দ্ৰ প্ৰধান আৰু অশ্বিনী বৈষ্ণৱ ওড়িশাৰ পৰা প্ৰাৰ্থী হ’ব পাৰে। ভূপেন্দ্ৰ যাদৱে হাৰিয়ানা বা ৰাজস্থানৰ পৰা, কৰ্ণাটকৰ পৰা ৰাজীৱ চন্দ্ৰশেখৰ, ক্ৰমে তামিলনাডু আৰু কেৰালাৰ নীলগিৰিৰ পৰা কেন্দ্ৰীয় মন্ত্ৰী এল মুৰুগান আৰু ভি মুৰলীধৰণে প্ৰতিদ্বন্দ্বিতা কৰিব পাৰে।