মোদীৰ সৈতে পঞ্জাৱৰ মুখ্যমন্ত্ৰীৰ সৌজন্যমূলক সাক্ষাৎ

পঞ্জাৱৰ মুখ্যমন্ত্ৰী ভগৱন্ত মানে আজি নতুন দিল্লীত প্ৰধানমন্ত্ৰী নৰেন্দ্ৰ মোদীক সাক্ষাৎ কৰিলে। বৈঠকখন আজি পুৱা ১১ বজাত অনুষ্ঠিত হৈছে। ১৬ মাৰ্চত ভগৱন্ত মানে মুখ্যমন্ত্ৰী হিচাপে শপত গ্ৰহণ কৰাৰ পাছত প্ৰধানমন্ত্ৰী মোদীৰ সৈতে এইখন ভগৱন্ত মানৰ প্ৰথমখন বৈঠক। অৱশ্যে, তেওঁলোকৰ কাৰ্যসূচী কি হ'ব সেয়া স্পষ্ট নহয়। দেশৰ ৰাজনৈতিক মহলে বিশ্বাস কৰা হয় যে এই বৈঠকখন এটা সৌজন্যমূলক সাক্ষাৎ। ভগৱন্ত মানে পূৰ্বতে টুইট কৰি কয় যে পঞ্জাৱৰ মুখ্যমন্ত্ৰীৰ কাৰ্যভাৰ গ্ৰহণ কৰাৰ পাছত, মই মাননীয় প্ৰধানমন্ত্ৰী আৰু গৃহমন্ত্ৰীৰ পৰা সৌজন্য সাক্ষাতৰ বাবে আৰু পঞ্জাৱৰ বিষয়বোৰ আলোচনা কৰিবলৈ দেশৰ প্ৰধানমন্ত্ৰীক সাক্ষাৎ কৰিম। উল্লেখযোগ্য যে, মোদীয়ে ১৬ মাৰ্চত টুইটাৰযোগে আম আদমী পাৰ্টিৰ (আপ) নেতা ভগৱন্ত মানক পঞ্জাৱৰ মুখ্যমন্ত্ৰী হোৱাৰ বাবে অভিনন্দন জনাইছিল। প্ৰধানমন্ত্ৰী মোদীয়ে টুইট কৰি কয় যে পঞ্জাৱৰ মুখ্যমন্ত্ৰী হিচাপে শপত গ্ৰহণ কৰাৰ বাবে ভগৱন্ত মানক অভিনন্দন জনাইছো। আমি পঞ্জাৱৰ উন্নয়ন আৰু ৰাজ্যখনৰ জনসাধাৰণৰ কল্যাণৰ বাবে একেলগে কাম কৰিম। প্ৰধানমন্ত্ৰীৰ এই অভিনন্দনৰ সহাৰি জনাই মনে কয় যে ধন্যবাদ, প্ৰধানমন্ত্ৰী নৰেন্দ্ৰ মোদীজী। শেহতীয়াকৈ পঞ্জাৱৰ বিধানসভা নিৰ্বাচনত আপে এক আশানুপদ প্ৰদৰ্শন আগবঢ়াইছিল, মুঠ ১১৭ খন আসনৰ ভিতৰত ৯২ খন আসন লাভ কৰিছিল আপে, ইয়াৰ বিপৰীতে কংগ্ৰেছে মাত্ৰ ১৮ খন আসনত হে জয়লাভ কৰিবলৈ সক্ষম হৈছিল। চাংৰুৰ জিলাৰ ধুৰী বিধানসভা সমষ্টিৰ পৰা প্ৰতিদ্বন্দিতা কৰা মানে কংগ্ৰেছ নেতা দলবীৰ সিং গোল্ডিক ৫৮,০০০ তকৈও অধিক ভোটৰ ব্যৱধানত পৰাজিত কৰিছিল। কাৰ্যভাৰ গ্ৰহণ কৰাৰ পাছতে মানে বুধবাৰে দুৰ্নীতি বিৰোধী হেল্পলাইন নম্বৰ মুকলি কৰে য'ত মানুহে উৎকোচ বিচৰা আৰু চৰকাৰী কৰ্মচাৰীসকলৰ সৈতে সম্পৰ্কিত ভিডিঅ' শ্বেয়াৰ কৰিব পাৰে। মানে শ্বহীদ দিৱস উপলক্ষে এই হেল্পলাইন নম্বৰটো মুকলি কৰিছ আৰু ইয়াক দুৰ্নীতি বিৰোধী এক কাৰ্য বুলি অভিহিত কৰে। এটা ভিডিঅ' বাৰ্তাত মানে কয়, "মই আপোনালোকক প্ৰতিশ্ৰুতি দিছিলো যে মই ২৩ মাৰ্চত এটা ফোন নম্বৰ মুকলি কৰিম, যাক 'দুৰ্নীতি বিৰোধী কাৰ্য ৰেখা' বুলি কোৱা হ'ব। ফোন নম্বৰটো হৈছে - ৯৫০১২০০২০০। যদি কোনোবাই উৎকোচ বিচাৰে, তেওঁৰ ভিডিঅ' এই নম্বৰলৈ প্ৰেৰণ কৰিব পাৰে।