মোদীনগৰত অঘটনঃভাড়া আদায় দিবলৈ ২০০০ টকীয়া নোট দিয়া বাবেই যাত্ৰীক গুৰুলাগুৰলকৈ পিটিলে অটো চালকে!

শেহতীয়াকৈ গুজৰাটৰ মোদীনগৰত ২,০০০ টকাৰ নোট দিয়াৰ বাবে যাত্ৰী এজনক অটো চালকে  প্ৰহাৰ কৰাৰ ঘটনা ঘটিছে। অটোত যাত্ৰা কৰা যাত্ৰী জনে অটো চলাকক এখন ২০০০ টকীয়া নোট দিছিল।  ২০০০ টকীয়া নোট নিষিদ্ধ হোৱা বুলি শুনিবলৈ পোৱা অটো চালক জনৰ এই কথাতে খং উঠে আৰু খঙৰ ভমকত যাত্ৰী জনক প্ৰহাৰ কৰিবলৈ ধৰে। 

এই ঘটনাত যাত্ৰীজন গুৰুতৰভাবে  আহত হোৱাৰ খবৰ পোৱা গৈছে।  চালকজনে নোট খন  নিষিদ্ধ বুলি কৈ ইয়াক ল'বলৈ অস্বীকাৰ কৰিছিল। উল্লেখ্য ভাৰতীয় ৰিজাৰ্ভ বেঙ্কে ২০০০ টকাৰ বেংকনোটৰ প্ৰচলন সম্পূৰ্ণৰূপে  নিষিদ্ধ কৰাৰ  সিদ্ধান্ত লৈছে ৷ সেইমৰ্মে ৰিজাৰ্ভ বেংকে  সকলোকে ৩০ ছেপ্টেম্বৰ, ২০২৩-ৰ ভিতৰত হাতত থকা ২০০০ টকাৰ নোট  সলনি কৰিবলৈ কৈছে।  

শুকুৰবাৰে প্ৰকাশ কৰা এক বিবৃতিত কেন্দ্ৰীয় বেংকটোৱে কয়: "ভাৰতীয় ৰিজাৰ্ভ বেংকৰ "পৰিষ্কাৰ নোট নীতি" অনুসৰি,২০০০ টকা  মূল্যৰ বেংকনোট প্ৰচলনৰ পৰা প্ৰত্যাহাৰ কৰাৰ সিদ্ধান্ত লোৱা হৈছে। এক নিৰ্দিষ্ট সময়সীমাৰ ভিতৰত এই কাম সম্পূৰ্ণ কৰিবলৈ আৰু ৰাইজক  পৰ্যাপ্ত সময় প্ৰদান কৰিবলৈ, সকলো বেংকে ৩০ ছেপ্টেম্বৰ, ২০২৩  লৈ ২০০০ টকাৰ  বেংকনোট  জমা আৰু/বা বিনিময়ৰ সুবিধা প্ৰদান কৰিব।"এই পদক্ষেপৰ বিষয়ে ব্যাখ্যা কৰি আৰবিআইয়ে কৈছে: "২০০০ টকাৰ নোটৰ  প্ৰায় ৮৯% বেংকনোট মাৰ্চ ২০১৭ ৰ আগতে জাৰী কৰা হৈছিল । প্ৰচলিত এই বেংকনোটবোৰৰ মুঠ মূল্য ৩১  মাৰ্চ ২০১৮ তাৰিখলৈ (প্ৰচলিত নোটৰ ৩৭.৩%) ৬.৭৩  লাখ কোটিৰ পৰা ৩.৬২ লাখ কোটিলৈ হ্ৰাস পাইছে ৷ যি ৩১  মাৰ্চ ২০২৩ তাৰিখলৈ প্ৰচলিত নোটৰ মাত্ৰ ১০.৮ %  হৈ পৰিব।